Rusiya KİV-də keçirilən sorğuda çoxluq Moskvanın Bakını dəstəkləməli olduğunu hesab edib

Rusiyanın "Vzqlyad" qəzeti öz saytında "Rusiya Ermənistan-Azərbaycan münaqişəsində kimi dəstəkləməlidir" mövzusunda sorğu keçirib.

APA-nın Moskva müxbirinin verdiyi məlumata istinadən Respublikaxəbər.az xəbər verir ki, bu vaxta kimi sorğuda 23 362 nəfər iştirak edib.

Sorğunun nəticələrinə görə, respondentlərin 30,37%-i hesab edir ki, bu münaqişədə Moskva Bakını dəstəkləməlidir. Sorğu iştirakçılarının 16,63%-i isə Ermənistanı dəstəkləməli olduğunu fikirləşir.
Respondentlərin 52,99%-i hesab edir ki, Rusiya münaqişə tərəflərindən heç birini dəstəkləməli deyil.


Sənəm Əliyeva