Deyirlər Şəkililəri aldatmaq olmur, Lakin Şəki sakinini də aldatdılar

Respublikaxəbər.az-a şikayət edən Şəki rayon Baş Göynük kənd sakini Çələbiyev Şamo Yaşar oğlu, bir nəfər özünü Cəlilabad rayon, Göytəpə qəsəbə sakini kimi təqdim edən Mirzəliyev Əziz Əzim oğlu tərəfindən aldadılaraq dələduzluq yolu ilə 500 manat pulunun ələ keçirildiyini bildirib. Belə ki, Sosial şəbəkə vasitəsi ilə Mirzəliyev Əziz Əzim oğlu Vaz 2105 markalı avtomobili satdığını yazıb, Şikayətçimiz də onunla əlaqə saxlayıb, ümumi qiyməti razılaşıblar. Lakin dələduzluq edən şəxs Ə.Mirzəliyev şikayətçimizə bildirib ki, Siz mənim hesab nömrəmə 500 manat pul ödəyin, mən də maşını gətirim. Şikayətçimiz də ona etibar edərək 500 manat onun adına olan hesab kartına ödəniş edib. Lakin həmin vaxtdan sonra dələduzluq edən şəxsin mobil telefonuna zəng çatmır. Redaksiyamıza edilən şikayətlə bağlı tərəfimizdən Respublika Baş Prokurorluğuna və DİN-nin rəhbərliyinə məlumat məktubu hazırlanır. Odur ki, belə dələduzların tilsimlərinə düşməmək üçün sosial şəbəkə vasitəsi ilə alış-veriş etməyin.
Qarşı tərəfi dinləməyə hazırıq!

RESPUBLİKAXƏBƏR.AZ
Sənəm Əliyeva