Həmkarımız "Bizimlider"qəzetinin əməkdaşı Şəhla xanımın sevincinə qoşuluruq.

Respublikaxəbər.az saytının rəhbəri Elyaz Gülüyev başda olmaqla, bütün redaksiya heyəti həmkarımız "BİZİMLİDER" qəzetinin əməkdaşı Şəhla xanımı təbrik edir.
Təbrikdə deyilir.
Əziz və hörmətli həmkarımız Şəhla xanım,
Bildiyimiz kimi bu gün Sizin gözünüzün ağı-qarası, evinizin yaraşığı, nur işığı olan övladınız Məhəmməd bəyin doğum günüdür. İlk öncə Sizi biz bütün Media əməkdaşları adından təbrik edirik. İlk öncə Sizi təbrik etməyimizin məqsədi ondan ibarətdir ki, bu gün balanız Məhəmmədin doğum günü olsa da, Sizin sevinciniz Məhəmmədin sevincindən qat-qat üstündür. Çünki, Siz onu təkbaşına, igidcəsinə, namus və qeyrətinizlə böyütmüsünüz! Eşq olsun Sizin kimi analara! Daha sonra Məhəmməd qardaşımızı 18 yaşı tamam olması münasibəti ilə biz təbrik edirik.
Əziz izləyicilərimizdən izin istəyərək Məhəmməd qardaşımız haqqında da çox kiçik bir məlumat vermək istəyirik. Qəmbərov Məhəmməd Fərid oğlu 2002-ci ilin avqust ayının 23-də Bakı şəhərində anadan olub, musiqi təhsillidir, tərbiyyəlidir, əxlaqlıdır, dost-tanışlarına, ətrafına və ictimaiyyətə nümunəvi bir övladdır. Biz bunu tərif etmirik, biz yalnız gördüklərimizi qeyd edirik. Hazırda BDU-nin Sosiologiya və Psixologiya fakultəsinin ikinci kurs tələbəsidir. Əlaçıdır. Birinci kursu yüksək qiymətlərlə bitirmişdir.
Sonda bir məsələni də qeyd edək ki, Məhəmməd qardaşımızın atası bir neçə il bundan öncə vəfat etmişdir (Allah rəhmət etsin) amma anası, həmkarımız Şəhla xanım o qədər namuslu, qeyrətli qadındır ki, Məhəmmədi min bir əzab əziyyətlə böyüdüb, boya-başa çatdırmışdır. Yəni Şəhla xanım Məhəmmədə həm ana, həm də ata olmuşdur. Təkrar bir daha biz bütün Media adından, xüsusən Respublikaxəbər.az saytının kollektivi adından həm doğum günü olan Məhəmməd qardaşımızı və sevinc baxımından sevinci oğlundan daha çox olan Şəhla ananı təbrik edirik. Məhəmməd qardaşımıza uzun və xeyirli ömür, can sağlığı, ailə səadəti, xoşbəxt həyat, elminə bərəkət arzulayırıq.
Səsin hər zaman yüksəklərdən gəlsin.