Bakıda avtomobilin vurduğu piyada koma vəziyyətinə düşdü

Bakının Sabunçu rayonunda yol-nəqliyyat hadisəsi baş verib, nəticədə bir nəfər ağır xəsarət alıb.

Respublikaxəbər.az xəbər verir ki, hadisə Kürdəxanı qəsəbəsində qeydə alınıb.

Paytaxt sakini, 1965-ci il təvəllüdlü Ağayarov Kazım Ağayar oğlu yolun kənarı ilə hərəkət edən zaman yüksək sürətlə gələn minik avtomobili onu vurub. Yaralanan şəxs təcili təxirəsalınmaz tibbi yardım xidməti vasitəsilə 3 nömrəli şəhər klinik xəstəxanasına yerləşdirilib.

Həkimlərin verdiyi məlumata görə, yaralı xəstəxanaya komatoz vəziyyətdə daxil olub.

Sabunçu Rayon Polis İdarəsinin əməkdaşları hadisəni törədən sürücünü saxlayıblar.



Sənəm Əliyeva