Bakıda avtomobilin vurduğu piyada ölüb

Bakıda piyadanın ölümü ilə nəticələnən yol-nəqliyyat hadisəsi baş verib.

APA-ya istinadən Respublikaxeber.az xəbər verir ki, hadisə Sabunçu rayonu Kürdəxanı qəsəbəsində qeydə alınıb.

Yolu keçmək istəyən 25-30 yaşlı, hələ ki şəxsiyyəti dəqiqləşdirilməyən piyadanı avtomobil vurub.

Ağır vəziyyətdə xəstəxanaya çatdırılan xəstənin həyatını xilas etmək mümkün olmayıb.

Faktla bağlı Sabunçu Rayon Polis İdarəsində araşdırma aparılır.


Sənəm Əliyeva