AZƏRBAYCAN MEDİASİYA ŞURASININ ƏMƏKDAŞLARI MACARISTANA SƏFƏR ETDİLƏR

Azərbaycan Respublikasının Mediasiya Şurası Türk Dünyası Mediatorlar Birliyi çərçivəsində, Azərbaycan Respublikasının Diasporla iş Üzrə Dövlət Komitəsinin təşkilati dəstəyi ilə mediatorların 24-27 aprel 2024-cü il tarixlərində Macarıstanın paytaxtı Budapeşt şəhərinə təcrübə mübadiləsi səfəri baş tutmuşdur.

Şəki 1 saylı Mediasiya Təşkilatının direktoru Dərya Yaşarlı bildirmişdir ki, səfərdə ölkəmizi təmsil edən nümayəndə heyətinə Mediasiya Şurası İdarə Heyətinin sədri Nadir Adilov rəhbərlik etmişdir.
Eyni zamanda nümayəndə heyətinin tərkibinə mediatorlar Dərya Yaşarlı, Sima Yaqubova, Leyla Nəsibova, Günel Quliyeva, İlahə Quliyeva, İlkin İbrahimov, Nizamə İsmayılova, Rafael Cabbarov və Rəsul Nəbizadə daxildir.

İlk olaraq səfərdə iştirakımızı təmin etdiyi üçün Mediasiya Şurası İdarə Heyətinin sədri cənab Nadir Adilova öz dərin təşəkkürümü bildirirəm.

Ölkəmizdə Mediasiya İnstitutu yeni formalaşmağa başladığı dönəmlərdə Nadir müəllim demək olar bütün çıxışlarında təcrübələrinin artması məqsədilə mediatorlar üçün xarici ölkələrə səfərlərin təşkil ediləcəyini bildirirdi
və zaman gəldi, həqiqətən də mediatorların mərhələli olaraq qrup şəklində xarici ölkələrə səfərlə gerçəkləşməyə başladı.

Əlbətdəki, mənim də iştirak etdiyim mediatorların ilk səfəri, ölkəmizin qurucusu, Ulu Öndər Heydər Əliyevin doğulduğu Naxçıvan Muxtar Respublikasından başladı.
Naxçıvanda mediatorlar rəhbərlik və digər aidiyyəti qurumlar tərəfindən çox yüksək şəkildə qarşılandı.
Naxçıvan səfərimiz zamanı sədrimiz Nadir müəllim başda olmaqla mediatorlar tərəfindən Azərbaycan xalqının Ümummilli Lideri Heydər Əliyevin Naxçıvan şəhərindəki abidəsi ziyarət edilmiş, Ulu Öndər ehtiramla anılmış və abidəsi önünə gül dəstələri qoyulmuşdur.

Bundan sonra ardıcıl olaraq mediatorların qrup şəklində xarici ölkələrə-Şimali Kipr Türk Cümhurtiyətinə, Türkiyə Cümhuriyyətinə, Belarusiya Respublikasına və mənim də iştirak etdiyim Macarıstan Respublikasının paytaxtı Budapeşt şəhərinə səfərləri baş tutmuşdur.

Səfər ərzində mediatorlardan ibarət nümayəndə heyəti Azərbaycan Respublikasının Budapeştdəki səfirliyi, Türkiyənin Budapeştdəki səfirliyi, Şimali Kipr Türk Cümhuriyyəti nümayəndəliyi, Macarıstan Ali Məhkəməsi, Macarıstandakı Türkiyə Evi, Macarıstanın Diaspor fəalları və TİKA Busapeşt ilə rəsmi görüşlər keçirmiş, həmçinin Ferenc Madl Müqayisəli Hüquq İnstitutu və Yunus Əmrə İnstitutunun fəaliyyəti ilə tanış olmuş, Macarıstan Vəkillər Kollegiyası, Gürcan Vəkil Bürosu və Mediasiya Mərkəzi ilə görüşərək mediasiya sahəsində 3 ölkənin fəaliyyətini müqayisəli təhlil etmişlər.

Bu bir həqiqətdir ki, Azərbaycan Respublikasının Prezidenti cənab İlham Əliyevin rəhbərliyi ilə bütün sahələrdə olduğu kimi xarici siyasət və beynəlxalq əlaqələr sahəsində çox böyük, uğurlu və mühüm işlər görülür.

Macarıstanda olduğumuz müddətdə istər rəsmi, istərsə də qeyri-rəsmi görüşlərdə xalqımıza, dövlətimizə izah edilə bilməyəcək bir sevginin, sayğının, hörmətin şahidi olduq.

Çox qürurluyuq. Bu qüruru bizə yaşadan Prezidentimiz cənab İlham Əliyevdir.

Prezidentimiz cənab İlham Əliyevin dünya liderləri arasında xüsusi nüfuzu və ehtiramı getdiyimiz bütün yollarda hər bir Azərbaycan vətəndaşına xüsusi rəğbət qazandırır.

Macar icması, istərsə də Macarıstanda olan beynəlxalq icma ilə ölkəmiz arasında dostluq münasibətlərinin yüksək şəkildə olduğunun şahidi olduq.

İştirak etdiyimiz bütün görüşlərdə cənab Prezidentimiz İlham Əliyevə olan yüksək səviyyəli ehtiram hər birimizi qürurlandırdı.

Ümumiyyətlə, Diasporamızın fəaliyyəti ilə qürur duyduq.

Cənab Prezident İlham Əliyevin diasporamızın inkişafı sahəsində Azərbaycan Respublikasının Diasporla İş üzrə Dövlət Komitəsinin üzərinə qoyduğu vəzifələrin yüksək səviyyədə icrasının, Macarıstanda yüksək səviyyəli bir diaspor şəbəkəmizin qurulmasının şahidi olduq.

Odur ki, fürsətdən istifadə edib, bizə belə bir qürur hissi yaşadan Ali Baş Komandan, prezident cənab İlham Əliyevə, çalışdığı sahəsindən asılı olmayaraq ölkə başçısının daxili və xarici siyəsətini dəstəkləyən və buna əməl edən hər bir Azərbaycan vətəndaşına, o cümlədən ölkə başçısının siyəsətini dəstəkləyən, bunu çalışdığı bütün xidmət sahələrində öz əməlləri ilə real olaraq sübut edən, günü-gündən inkişaf edən Mediasiya İnstitutunun formalaşmasında danılmaz rolu və zəhməti olan Mediasiya Şurası İdarə Heyətinin sədri cənab Nadir Adilova bir daha öz təşəkkürümüzü bildiririk.

Allah Sizləri qorusun !
Biz birlikdə güclüyük !
Yaşasın Prezidentimiz !
Yaşasın Azərbaycan !

RESPUBLİKAXƏBƏR.AZ