15 iyun - bölücülükdən birləşməyə aparan yol

15 İyun – Milli Qurtuluş günü Azərbaycan tarixinə qızıl hərflərlə yazılıb. Milli Qurtuluş Günü bizim üçün sadəcə təqvimdə bayram günü deyil, bu böyük ictimai-siyasi və tarixi əhəmiyyətə malik bir gündür.

Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, xalqına arxalanan və xalqına dayaq olan görkəmli dövlət xadimi Heydər Əliyevdir.

Ümummilli liderin bu sözləri hər birimizin yaddaşına əbədi həkk olunub: “Mənim həyatım da, fəaliyyətim də yalnız və yalnız Azərbaycanın müstəqilliyinin qorunub saxlanmasına, ölkəmizin bu ağır vəziyyətdən qalxmasına həsr olunacaqdır”.

Azərbaycan xalqı haqlı olaraq ümummilli lider Heydər Əliyevin siyasi fəaliyyətini, dahiyanə qərarlarını dövlət müstəqilliyimizin təməl daşı kimi qiymətləndirir və öz böyük xilaskarını unutmur. Xalqımız 15 İyun Milli Qurtuluş Gününü hər il yüksək əhval-ruhiyyə ilə qeyd edir. Azərbaycanın çoxəsrlik dövlətçilik tarixində Heydər Əliyev dövrü özünəməxsus yer tutur. Bu şanlı tarixin ən parlaq səhifələrindən olan 15 iyun - Azərbaycan xalqının Milli Qurtuluş günü dünya azərbaycanlılarının xoşbəxt gələcəyinin təməlinin qoyulduğu günlərdəndir.

Sənəm Əliyeva