Bakının qəsəbələrində avtobus qıtlığı var - Vüsal Kərimli

Ümumilikdə pandemiyadan əvvəl avtobusların yenilənməsi nəzərdə tutulmuşdu.

Bunu BNA-nın sədri Vüsal Kərimli Operativ Qərargahın brifinqində deyib: "Bakı şəhərində qəsəbə daxilində avtobus kasadlığı əsas problemdir. Avtobuslar yeniləndikdən sonra, qalan avtobusları qəsəbələrə yönləndirəcəyik".

O qeyd edib ki, metro bağlandıqdan sonra BNA sıxlığın öhdəsindən gəlmək infrastrukturuna malik deyil: "Avtobusda limit qoymaq kimi dünyada təcrübə yoxdur. 12 metrlik avtobuslarda 25 yer var, ayaq üstdə sərnişin sayı ilə ümumi 90 nəfər daşımaq olar. Sıxlığın qarşısını almaq üçün avtobusların sayını artırmaq lazımdır. Bu isə ekologiya ilə əlaqədar mümkün deyil".

O bildirib ki, sürücülərin səhhəti ilə bağlı yoxlamalar aparılır: "Sürücülər arasında yoluxma halları qeydə alınmayıb. Bir sürücünün virusa yoluxması, bütün qarajın fəaliyyətini dayandırması deməkdir".