Köhnə “Şəfa” söküləcəkmi? - ASK-dan AÇIQLAMA

Nizami rayonunun Keşlə qəsəbəsində yerləşən köhnə “Şəfa”, indiki “ASK Arena” sökülməyəcək.

Respublikaxeber.az xəbər verir ki, Bu barədə Oxu.Az-a stadionun qanuni sahibi olan Azərbaycan Sənaye Korporasiyasından (ASK) məlumat veriblər.

ASK-ın mətbuat katibi Nübar Ələkbərovanın sözlərinə görə, arenanın yeni icarədarının kim olacağı hələ ki bilinmir:

“Keşlə” klubunun bu ildən stadionu tərk edərək Şamaxıya gedəcəyini və orada oyunlarını keçirəcəyini bilirik. Ancaq bununla belə, “ASK Arena” sökülməyəcək. Stadionun yeni icarədarının kim olacağı barədə bizdə məlumat yoxdur”.

Qeyd edək ki, 2017-ci ildən “İnter Arena” adlanan stadion Beynəlxalq Bankdan ASK-ın balansına keçib. 2018-ci ilin iyulun 20-dən stadion “ASK Arena” adlandırılmağa başlayıb.