STADİONUN YERİNDƏ MƏKTƏB! BƏS STADİON?

Respublikaxəbər.az-a müraciət edən Şəki rayon, Baş Şabalıd kənd sakinləri (gənclər) bildirirlər ki, Baş Şabalıd kəndinin çıxışında 2014-cü ildə tikilib istifadəyə verilmiş hazırki tam orta məktəb binasının yerində əvvəllər stadion var idi. Lakin yeni məktəb binası tikildikdən sonra idman oyunları ilə məşğul olmağa yerləri yoxdur. Sakinlər ilk öncə kənddə yeni məktəb binasının tikilməsi ilə bağlı cənab Prezidentə təşəkkürlərini bildirdilər, əlavə olaraq da Ölkə başçısının İdman sahəsinə göstərdiyi diqqət və qayğıya güvənərək Baş Şabalıd kəndində də Stadion üçün yer ayrılması və şərait yaradılması üçün köməklik göstərməsini xahiş etdilər. Bizə də bildirdilər ki, Ölkə başçısı hər zaman deyir ki, "Mətbuat mənim dostumdur"! Biz də xahiş edirik ki, biz sakinlərin xahişini Ölkə başçımıza yalnız
Siz çatdırasınız. Hazırda tərəfimizdən kənd sakinlərinin xahişini nəzərə alaraq cənab Prezidentə olan xahişlərini çatdırmaq məqsədi ilə məktub hazırlanır.

Sənəm Əliyeva