Polisə yıxılmışam dedi, bıçaqlandığı məlum oldu — Bakıda qanlı hadisə

Bakıda adam bıçaqlamaqda təqsirli bilinən Nəzəri Pərviz Soltan oğlunun cinayət işi üzrə ibtidai istintaq başa çatıb.
Ölkə.Az istinadən Respublikaxebere xəbər verir ki, təqsirləndirilən şəxsin cinayət işi üzrə məhkəmə hazırlıq iclası may ayının 2-də Bakı Ağır Cinayətlər Məhkəməsində hakim Mirzə Xankişiyevin sədrliyi ilə keçiriləcək.

Hadisə Xəzər rayonunun Mərdəkan qəsəbəsində baş verib.

Qəsəbə sakini, 1983-cü il təvəllüdlü Xəlilov İlham Bayram oğlu bədəninin kəsilmiş-deşilmiş yarası ilə 3 saylı şəhər Klinik Xəstəxanasına gətirilib.
Yaralı polisə bildirib ki, guya evlərində yıxılaraq xəsarət alıb.

Araşdırmalar zamanı məlum olub ki, yaralı polisə yalan məlumat verib.
Polisin keçirdiyi əməliyyat zamanı İ.Xəlilovun Mərdəkan qəsəbəsindəki Abşeron sanatoriyasının həyətindəki kafedə yeyib içəndən sonra tanışı, 1969-cu il təvəllüdlü Nəzəri Pərviz Soltan oğlu ilə mübahisə etdiyi və onun tərəfindən bıçaqlandığı müəyyən edilib.

P.Nəzərli saxlanılaraq istintaqa təhvil verilib.