Azərbaycanda arvad ərini mətbəx bıçağı ilə öldürdü

Bakı Ağır Cinayətlər Məhkəməsində Xaçmazda qətl törətməkdə təqsirləndirilən Vüsalə Mirzəyevanın cinayət işi üzrə məhkəmə iclası davam edir.
Ölkə.Az istinadən Respublikaxebere xəbər verir ki, növbəti məhkəmə prosesi aprel ayının 26-da hakim Rasim Sadıxovun sədrliyi ilə keçiriləcək.

Qeyd edək ki, qətl hadisəsi ötən ilin iyul ayında Xaçmaz rayonunun Xudat şəhərində baş verib.

Şəhər sakini Mirzəyeva Vüsalə Tahir qızı həyat yoldaşı Osmanov Maarif Tofiq oğlu ilə ailə münaqişəsi zəminində mübahisə edib.
Vüsalə Mirzəyeva mübahisə nəticəsində mətbəx bıçağı ilə Maarif Osmanova döş qəfəsindən zərbələr endirib. Nəticədə M.Osmanov hadisə yerində ölüb.

Vüsalə Mirzəyeva isə polis əməkdaşları tərəfindən saxlanılıb. Onun barəsində Cinayət Məcəlləsinin 120.1-ci (qəsdən adamöldürmə) maddəsi ilə ittiham irəli sürülüb.