ŞƏKİDƏ YOL QƏZASI, BİRİ YERİN ALTINDA, BİRİ DƏ YERİN ÜSTÜNDƏ HƏBS EDİLDİ

Şəkinin Qudula kəndi ərazisində ölümlə nəticələnən yol qəzası baş verib.
Respublikaxəbər.az xəbər verir ki, Baş Göynük kənd sakini, Təbriz Vəliyevin idarə etdiyi “Mercedes” markalı avtomobil idarəetmədən çıxaraq aşıb. Bu zaman nəqliyyat vasitəsində olan sərnişin, həmin kənd sakin Zamir İsmayılov müxtəlif dərəcəli ağır bədən xəsarətləri alıb. Təəssüflər olsun ki, yaralı xəstəxanaya çatdırılsa da, həyatını xilas etmək mümkün olmayıb.
Faktla bağlı cinayət işi başlanılıb, Şəki rayon prokurorluğunda araşdırmalar aparılır.

Sonda bir daha Respublikaxəbər.az İnformasiya-Xəbər Portalının rəhbəri Elyaz Yazan başda olmaqla, redaksiya heyyətimiz adından Zamir İsmayılovun anası Qənirə anaya, qardaşları Zülfüqar və İftixara, bacısı Mətanət xanıma, ümumilikdə bütün ailə üzvlərinə və yaxınlarına baş sağlığı veririk, Uca Allahdan sonsuz səbr diləyirik. Allah rəhmət etsin.

RESPUBLİKAXƏBƏR.AZ