YOL QƏZASINDA DÜNYASINI DƏYİŞƏN GİZİR ASLANOV MÜBARİZ AZƏR OĞLU, DOĞULDUĞU ŞƏKİNİN BAŞ GÖYNÜK KƏNDİNDƏ TORPAĞA TAPŞIRILDI.

Cəlilabadda yol qəzasında iki nəfər ölüb

Cəlilabad rayonunda ağır yol qəzası baş verib.

"Respublikaxəbər.az-ın məlumatına görə, Ələt-Astara avtomobil yolunun rayon ərazisindən keçən hissəsində "VAZ 2107" markalı minik avtomobili yol kənarındakı ağaca çırpılıb.

Qəza nəticəsində iki nəfər - Mübariz Aslanov və Niyaz Rəcəbov ölüb, bir neçə nəfər yaralı isə xəstəxanaya çatdırılıb.

Faktla bağlı araşdırma aparılır.

***

Cəlilabad rayonunda baş verən ağır qəzada ölənlərin adları məlum olub.


"Respublikaxəbər.az-ın məlumatına görə, həyatını irtirənlər sürücü Mübariz Azər oğlu Aslanov və sərnişin İslam İsaq oğlu Musayevdir.

Hər 2 meyit müayinə olunmaları üçün Məhkəmə Tibbi Ekspertiza və Patoloji Anatomiya Birliyinin Cəlilabad rayon şöbəsinə təhvil verilib.

Qeyd edilən ünvanda baş vermiş yol qəzasında vəfat edən hərbiçilərimizdən biri Aslanov Mübariz Azər oğlu, Şəkinin Baş Göynük kəndindəndir və bu gün doğulduğu kənd qəbiristanlığında torpağa tapşırılıb.
Redaksiya heyyətinin rəhbəri olaraq ilk öncə özümün və sonra da redaksiya heyyətimin adından hərbiçilərimizin hər ikisinin ailəsinə və yaxınlarına uca Allahdan səbr diləyib, baş sağlığı veririk. Dünyasını dəyişən hərbiçilərimizə də Allahdan rəhmət və məğfirət diləyirik.
Allah rəhmət etsin.

Elyaz Yazan

Respublikaxəbər.az