BİNƏQƏDİ RAYON ƏRAZİSİNDƏ, AZADLIQ PROSPEKTİNDƏ AĞIR YOL NƏQLİYYAT HADİSƏSİ

RESPUBLİKAXƏBƏR.AZ xəbər verir ki, bu gün saat 02:00 radələrində Paytaxtda ağır yol nəqliyyat hadisəsi baş verib.

Respublikaxəbər.az-ın məlumatına görə, hadisə Binəqədi rayon, Azadlıq prospektində qeydə alınıb. “Nissan” markalı avtomobil yüksək sürətlə Sübhan Xəlilovun idarə etdiyi “BMW”yə cırpılıb. İdarəetmədən çıxan avtomobil ardınca yol kənarında dayanmış “Qazel”ə, sonra isə “Chevrolet” və “Hyundai”ya dəyib. “Nissan” yalnız bardürə çırpıldıqdan sonra dayana bilib.

S.Xəlilov Respublikaxəbər.az-a bildirib ki, “Nissan”ın sürücüsü narkotik maddənin təsiri altında olub. O, xəsarət alaraq xəstəxanaya aparılıb. S.Xəlilov “Nissan”ın sürücüsünün narkotik müayinədən keçməsini tələb edib. Əraziyə Binəqədi rayon polis idarəsinin əməkdaşları cəlb olunub.

Qəza nəticəsində Azadlıq prospektindən Binəqədi istiqamətinə gedən yolda tıxac yaranıb. Polis əməkdaşları hərəkəti tənzimləyir. Qəza ilə bağlı avtotexniki ekpertiza təyin edilib.

Hadisə zamanı ərazidə DİN-nin Baş DYPİ-nin, ÇPA-nın və Binəqədi RPİ-nin PPX-nin əməkdaşları da var idi.

Hazırda baş vermiş hadisə ilə bağlı araşdırma aparılır.

















Respublikaxəbər.az