Azərbaycanda QƏZA: 11 min abonent qazsız qaldı

İmişli rayon mərkəzində şəhər əhalisini təbii qazla təmin edən diametri 325 mm olan polad borunun yerüstü yol keçidi hissəsi avtoqəza nəticəsində sıradan çıxıb.

“Azəriqaz” İstehsalat Birliyindən KONKRET.az-a verilən məlumata görə, hadisə nəticəsində 11 min abonentin qaz təchizatında fasilə yaranıb.

Qəza nəticəsində qaz xəttinin üzərində olan diametri 150 və 300 mm olan siyirtmə və qaz tənzimləyici tamamilə sıradan çıxıb. Hal-hazırda sözü gedən ərazidə qaz təchizatında yaranan fasilənin tezliklə aradan qaldırılması məqsədi ilə “Azəriqaz” İstehsalat Birliyinin əməkdaşları qəza-bərpa işlərini davam etdirir.