Bakının iki rayonunda qaz olmayacaq

Bu gün səhər saatlarından etibarən Yasamal rayonu ərazisində təbii qazın verilişi dayandırılıb.

Bu barədə Oxu.Az-a istinadən Respublikaxeber.az xəbər verir ki, “Azəriqaz” İstehsalat Birliyinin (İB) mətbuat xidmətinin rəhbəri Ceyhun Səfər məlumat verib.

O bildirib ki, rayonun bir sıra ərazilərində qaz təchizatı dayandırılıb:

“Yasamal rayonu, Tbilisi prospekti 47, 49, Ş.Mehdiyev küçəsi 95, 97, 97a, “Tamam” MTK, “Grand Həyat” MTK, 1-ci Alatava qəsəbəsində, o cümlədən Nəsimi rayonu, Salamzadə, A.Əliyev küçələrində bir qrup istehlakçının qaz təchizatında fasilə yaranıb. Əlavə olaraq Ə.Topçubaşov, 1 ci mikrorayon H.Ələsgərova, E.Qasımzadə, C.Cabbarlı küçələrində də qaz təchizatı məhdudlaşdırılıb.

Buna səbəb Tbilisi prospekti, “Çıraq Plaza”nın qarşısında yol keçidinin tikintisi ilə əlaqədar yeni çəkilmiş diametri 315 mm olan polietilen yeraltı qaz xəttinin mövcud şəbəkəyə qoşulmasıdır. Bu işin icrası üçün müvəqqəti olaraq qaz təchizatı dayandırılıb. İşlər yekunlaşdırıldıqdan sonra təbi qazın verilişi bərpa ediləcək”.


Sənəm Əliyeva