6 fələstinli məhbus həbsxanadan tunel qazaraq qaçdı

İsrail həbsxanasında altı fələstinli məhbusun tunel qazaraq qaçdığı bildirilib.

Respublikaxeber.az xarici KİV-ə istinadən xəbər verir ki, təhlükəsizlik qüvvələri dünən gecə ölkənin şimalındakı “Gilboa” həbsxanasından 10 metr tunel qazaraq qaçan 6 fələstinlinin axtarışlarını davam etdirir.

Qaçan fələstinlilərin axtarışları helikopterlər və pilotsuz uçuş aparatları vasitəsi ilə aparılır.

Qeyd edək ki, “Walla News” saytı, axtarışda olan fələstinlilərin ömürlük azadlıqdan məhrum ediləcəkləri xəbərini yayıb.