Bakıda 77 yaşlı qadını avtomobil vurdu

Bakının Qaradağ rayonunda yol-nəqliyyat hadisəsi zamanı qadın ağır xəsarət alıb.

APA-ya istinadən Respublikaxəbər.az xəbər verir ki, hadisə Sahil qəsəbəsində baş verib.

1943-cü il təvəllüdlü İsayeva Gülzadə Beydulla qızı yolu keçərkən onu minik avtomobili vurub.

Yaralı təcili təxirəsalınmaz tibbi yardım xidməti vasitəsilə 3 nömrəli şəhər klinik xəstəxanasına yerləşdirilib. Xəstəxanadan verilən məlumata görə, G.İsayeva xəstəxanaya sol ayaq və sol əlinin sınığı diaqnozu ilə qəbul edilib.

Hazırda xəstənin vəziyyəti qənaətbəxşdir.






Sənəm Əliyeva