TEMP LİFT LTD ŞİRKƏTİ, ÖZ TEMPİ İLƏ GEDİR? YENİLƏNDİ

Respublikaxəbər.az xəbər verir ki, "Temp Lift LTD" şirkətinin barəsində Nizami rayon, Q.Qarayev küç 74, blok a, mən.90 Həsənli İsmayıl Gülbala oğlu redaksiyamıza müraciət edib.

Müraciət müəllifi yuxarıda qeyd olunan ünvanda müvəqqəti kirayənişin yaşadığını və vaxtı-vaxtında kommunal xərclərini ödədiyini, lakin, buna baxmayaraq, 26 yanvar 2025-ci il tarixdə evə gəldiyi zaman liftin işləmədiyini gördükdə, O, lift işlərinə baxan (mexanik) şəxsin mobil əlaqə nömrəsinə zəng edərək, liftin işləmədiyini bildirib. Məlumatı qəbul edən şəxs də bazar günü (istirahət günü) olduğunu deyərək, onu narahat etməməsini xahiş etmişdir. Bundan sonra müraciət müəllifi ona irad bildirərək, bazar günü istirahət günü olsa da fövqaladə vəziyyətlə bağlı növbətçi bir şəxsin olmasının vacibliyini vurğulayıb və beləliklə də müraciət müəllifi ilə peşə fəaliyyətinə biganə yanaşan şəxslə aralarında sözlə mübahisə yaranmışdır. Bundan sonra müraciət müəllifi həmin şirkətin baş ofisinə getmiş, baş ofisdən də belə mövqe bildiriblər ki, həmin blokda çoxsaylı şəkildə sakinlər lift haqqını ödəmədiyinə görə liftin təmir edilməsi mümkünsüzdür.
Dəyərli izləyici dostlar!
Müraciət müəllifinin müraciəti əsasında həm mexanik kimi tanınan şəxslə, həm də baş ofisin qeyd etdiyi əlaqə nömrəsi ilə əlaqə saxladıq. Yenə də eyni mövqeni bildirdilər ki, çoxsaylı sakinlər lift haqqını ödəmədiyinə görə, lift təmiri üçün lazım olan detalı ala bilmirik. Ona görə də, lifti təmir edə bilmirik.

Hər iki tərəfin mövqeyini öyrəndiyimizə görə, müraciətin daha obyektiv araşdırılması məqsədi ilə tərəfimizdən Nizami rayon prokurorluğuna rəsmi məlumat məktubu ünvanlanacaqdır.

Dəyərli izləyici dostlar!
Nəzərinizə çatdırırıq ki, liftlə bağlı narahatçılıq aradan qalxması barədə müraciət müəllifi elə bu gün təkrar bizə məlumat verdi və təşəkkürünü bildirdi. O səbəbdən də aidiyyatı qurumlara müraciət etməyimizə ehtiyac qalmadı.
Təşəkkür edirik.

İzlədiyiniz üçün minnətdarıq!

Respublikaxəbər.az