BAŞ PROKUROR KAMRAN ƏLİYEV, ŞƏKİDƏ VƏTƏNDAŞLARI QƏBUL EDİB

Avqustun 27-də Baş prokuror Kamran Əliyev Şəki rayon prokurorluğunun inzibati binasında Şəki, Oğuz rayon, Mingəçevir şəhər və digər bölgələrdən olan vətəndaşları qəbul edib.

RESPUBLİKAXƏBƏR.AZ xəbər verir ki, qəbuldan əvvəl Baş prokuror xalqımızın Ümummilli Lideri Heydər Əliyevin şəhərin mərkəzində ucaldılmış abidəsini ziyarət edərək əziz xatirəsini ehtiramla yad edib.

Qəbulda iştirak edən 39 nəfər vətəndaşın müraciətində konkret cinayət işlərinin istintaqı və törədilmiş cinayətlər barədə məlumatların araşdırılması zamanı yol verilmiş qanun pozuntuları, məhkəmədə baxılan cinayət işləri üzrə dövlət ittihamının müdafiəsi, habelə mülki xarakterli mübahisələr və sosial problemlərə dair qeyd olunan məsələlərin bilavasitə prokurorluqda və ya aidiyyəti icra orqanlarında operativ həlli üçün müvafiq göstərişlər verilib.

Qəbuldan sonra prokurorluq əməkdaşları ilə görüş keçirən Kamran Əliyev onlara konkret tapşırıqlar verib, vətəndaşların müraciətlərinə obyektiv baxılması və qəbulu işinin düzgün təşkilinə görə tabe prokurorların fərdi məsuliyyət daşıdığını diqqətə çatdırıb, eləcə də prokurorluq orqanlarının fəaliyyətində müasir informasiya-kommunikasiya texnologiyalarının tətbiqini təmin edən “Elektron prokurorluq” informasiya sisteminin fəaliyyəti ilə yerində tanış olaraq işin daha da təkmilləşdirilməsi və səmərəliliyin artırılmasına dair təklifləri dinləyib.

Biz də Respublikaxəbər.az olaraq, İnsan və Vətəndaş hüquq və azadlıqlarına hörmətlə yanaşaraq, vətəndaş qəbulunu təşkil edərək, insanların problemləri ilə maraqlanıldığı üçün, rəhbərliyimiz Elyaz Yazan başda olmaqla, bütün redaksiya heyyətimiz adından başda baş prokuror cənab Kamran Əliyev olmaqla, bütün Prokurorluq əməkdaşlarına təşəkkürümüzü bildiririk.

RESPUBLİKAXƏBƏR.AZ