DİN-VİLAYƏT EYVAZOV, SABİRABADDA VƏTƏNDAŞLARI QƏBUL EDİB

RESPUBLİKAXƏBƏR.AZ xəbər verir ki, Azərbaycan Respublikasının Prezidenti İlham Əliyevin tapşırığına uyğun olaraq Daxili İşlər Naziri, general-polkovnik cənab Vilayət Eyvazov, aprelin 17-də Sabirabad Rayon Polis Şöbəsində növbəti vətəndaş qəbulu keçirib.

Nazirliyinin mətbuat xidmətindən RESPUBLİKAXƏBƏR.AZ-a verilən məlumata görə, nazir əvvəlcə Sabirabad şəhərindəki ümummilli lider Heydər Əliyevin abidəsini ziyarət edərək əziz xatirəsini ehtiramla yad edib.

Sonra Rayon Polis Şöbəsinin inzibati binasında İmişli, Beyləqan, Füzuli, Xocavənd, Saatlı və Sabirabad rayonlarından qəbula gələn 132 vətəndaşın müraciətini dinləyən nazir onların problemlərinin həlli üçün Nazirliyin aidiyyəti baş idarə və idarə rəislərinə tapşırıqlar verib.

Müraciətlərin əksəriyyəti yerində öz həllini tapıb.






RESPUBLİKAXƏBƏR.AZ