ELYAZ YAZAN: ŞƏKİNİN POLİS RƏİSİ ELNUR HƏSƏNOV NƏ ETSİN Kİ, BƏZİ AĞZIGÖYÇƏKLƏR RAZI QALSIN!!!

Respublikaxəbər.az-ın rəhbəri Elyaz Yazan,Şəkinin hazırki polis rəisi haqqında edilən narazılıqlara cavab verdi.
Elyaz Yazan:
Əziz və dəyərli izləyici dostlar!
Əvvəla hər birinizə salam olsun.
Diqqətiniz üçün öncədən təşəkkür edirəm.
Bir məsələni diqqətinizə çatdırmaq istəyirəm ki, hər bir qurumda yaxşı da var, pis də var deyirlər. Lakin, bu deyimi mən düzgün qarşılamıram. Çünki, insan pis deyil! Çünki, Allah bütün yaradılmış məxluqların içərisində insanı ən gözəl şəkildə yaratdı və fəxr etdi. Bunu belə desək daha yaxşıdır ki, "işində məsuliyyətli olanlar da, məsuliyyətli olmayanlar da!" Söhbətdən çox yayınmaq istəmirəm. Mövzumun məqsədi bir müddətdir ki, Şəkiyə getdiyim zaman, həmçinin Şəki ŞRPŞ-nə yeni təyin olunmuş polis rəisi, polis polkovniki cənab Elnur Həsənovun təyin olduğu gündən indiyə qədər bəzi ağzıgöyçəklərdən eşitdiyim boş məntiqsiz fikirlərə cavab verməkdir.
Deyirlər ki, təzə gələn polis rəisi (Elnur Həsənov) qəddardır! Özü də heç kimi vecinə qoymur! İstədiyini edir, ürəyi istəyəni tutub saldırır içəri və.s
Cavab verirəm həmin şəxslərə!
Elnur Həsənov ilk dəfə deyil ki, polis rəisi vəzifəsinə təyin olunub. O əvvəllər də Balakən və Şəmkir RPŞ-də rəis vəzifəsində işləyib. İndi Sizcə Elnur Həsənov Sizin dediyiniz kimi bir polis məmuru olsaydı, cənab Nazir təkrar ona həmin vəzifəni etibar edərdimi? O,təkrar Şəki kimi böyük bir şəhərə yenidən təyin olunubsa, deməli O, rəhbərliyi qarşısında etimadını doğruldub. Bundan əlavə Elnur Həsənov, bu günə qədər nə mənim atamı, nə mənim qardaşımı və digər qanun pozmayan tanışlarımı aparıb içəri saldırmayıb. Niyə? Çünki, qanun pozmayıblar. Mən dəfələrlə redaksiyama daxil olan müraciətlərlə bağlı məlumat məktubu göndərmişəm, rəsmi cavab verib. Hələ deməyib ki, Elyaz niyə məktub göndərmisən? Yəni, nə O, mənim işimə müdaxilə etməyib, nə də mən onun işinə müdaxilə etməmişəm. Edə də bilmərəm. Sözüm odur ku, bu günə qədər mənim müşahidəmdə Elnur Həsənovun heç bir səhv hərəkətini görməmişəm. Qeyd edim ki, Elnur Həsənov, qanunu pozanlar üçün xoş görünmür. Çünki, Elnur Həsənov, qanunsuzluğa göz yuman rəis deyil! Təbiidir ki, qanun pozanlar da istəyərlər ki, özbaşınalıq olsun.
Odur ki, Elnur Həsənov, çox gözəl insan və çox gözəl (məmurdur) rəisdir! Elnur Həsənovun qanun pozmayanlarla heç bir işi yoxdur! Qanun pozanlar da mütləq cəzasını almalıdırlar, alırlar və alacaqlar da! Elnur Həsənovun yerində başqa bir rəis də olsa, qanun pozmusansa, barəndə tədbir görüləcəkdir. Mən bu mövzuya hər hansı bir mənafeyimi güdmək məqsədi ilə gəlmədim, sadəcə reallığı qeyd etdim. Bu arada atamın çox-çox dediyi bir məsəl yadıma düşdü. Atam deyirdi ki, "əsgərlik evinin arxasında da olsa, əsgərlikdir" Yəni fərq etməz! Sən qanuna riayət et, polis rəisinin kimliyi sənə fərq etməyəcək! Hətta Elnur Həsənov təyin olduqdan sonra müşahidəmə görə, özbaşınalığın qarşısı biraz da alınıb.
Odur ki, ilk öncə həmin şəxslərə bildirirəm ki, qanuna və qanunçuluğa hörmətlə yanaşaq! Hər hansı bir məmurdan şikayətiniz varsa, onu el-aləm içərisində pisləyib qeybətini etməkdənsə, rəhbərliyinə məlumat ver. Qeybət insana (xüsusən də kişiyə) yaraşmır.
Hörmətli rəis Elnur Həsənovun da fəaliyyətini alqışlayıb, ona uğurlar arzulayıram!
Minnətdaram!
Hörmətlə:
Elyaz Yazan