GÖYÇAYIN POLİS RƏİSİ TƏRƏFİNDƏN QOYULAN QADAĞA KİMLƏRƏ AİDDİR?

Respublikaxəbər.az xəbər verir ki, Göyçay rayon sakini, polisin fəaliyyətindən narazıdır.
Respublikaxəbər.az-a müraciət edən Göyçay rayon, Hacallı kənd sakini Şıxəliyev Elnur Eldar oğlu, müraciətində bildirib ki, bir müddət bundan öncə özü rayon ərazisində icarəyə götürərək çay evi işlətmiş, Lakin, onun işlətdiyi çay evinə hər gün polis və vergi və.s qurumlar gəlib,sənədlərin qaydasında olmasına və qanuna riayət edilməsinə nəzarət edilib. Bundan əlavə də Polis tərəfindən Elnur Şıxəliyevə bildirilib ki, "ofisiant kimi yalnız oğlanlar xidmət göstərə bilər, xanımların ofisiant kimi xidmət etməsinə rəis qadağa qoyub, olmaz! Elnur Şıxəliyev də bu kimi tələblərə bir müddət riayət etsə də sonradan edə bilmədiyi üçün qanuna hörmətsizlik etməyib,sadəcə icarəyə götürdüyü çay evini təhvil verib. Lakin, Elnur Şıxəliyev deyir ki, hazırda Göyçay şəhər ərazisində müxtəlif ictimai iaşə obyektlərində Paytaxt Bakı şəhərindən təşrif buyurmuş xanımlar əmək müqaviləsi bağlamadan ofisiant kimi işləyirlər, Bundan əlavə də həmin xanımlar rayon ərazisində müxtəlif evlərdə qeyri qanuni (kirayə müqaviləsi bağlamadan) müvəqqəti kirayənişin yaşayırlar. Bu və bunun kimi digər qanunsuzluqlarla bağlı tədbir görülməsi barədə xahişini Azərbaycan Respublikasının İqtisadiyyat nazirliyinə və eləcə də Göyçay RPŞ-nin rəhbərliyinə çatdırmağımızı, həmçinin müraciətinin ictimailəşdirilməsini xahiş etmişdir. Odur ki, vətəndaşın xahişini nəzərə alaraq aidiyyatı üzrə Azərbaycan Respublikasının İqtisadiyyat nazirliyinə və eləcə də Göyçay RPŞ-nin rəhbərliyinə rəsmi məlumat verəcəyik.

Qarşı tərəfi dinləməyə hazırıq!
Respublikaxəbər.az