Şəki DYP son 2 ayda 3-cü avtoxuliqanı sənədləşdirdi

RESPUBLİKAXƏBƏR.AZ xəbər verir ki, Şəki DYP son 2 ayda 3-cü avtoxuliqanı sənədləşdirib.
Şəki Dövlət Yol Polis Bölməsinin rəisi vəzifəsini müvəqqəti icra edən polis baş leytenantı Tural Niftalıyevin rəhbərliyi altında Şəki Dövlət Yol Polisi əməkdaşları tərəfindən yol hərəkəti qaydalarını kobud şəkildə pozan,insanların həyat və sağlamlığına real təhlükə yaradan,ictimai qaydanı pozan,avtoxuliqan- lıq edən sürücülərə qarşı mübarizə tədbirləri gücləndirilib.
RESPUBLİKAXƏBƏR.AZ-ın məlumatına görə,bu gün (07 iyul 2023), Şəki Dövlət Yol Polisi Bölməsinin əməkdaşları avtoxuliqanlıq hərəkətləri edən,özünün bu hərəkətlərini sosial şəbəkələrdə paylaşaraq təbliğ edən , Şəki rayonu Qoxmuq kənd sakini, Elbrus Bilalovu saxlayıb. Dərhal sənədləşdirilərək Şəki Rayon Məhkəməsinə göndərilən materiala baxılaraq, Məhkəmə tərəfindən həmin sürücünün sürücülük hüququ 1 il müddətinə məhdudlaşdırılmaqla,15 gün müddətinə inzibati həbs olunması barədə qərar qəbul edilib.








RESPUBLİKAXƏBƏR.AZ