Şəkidə avtomobili sərxoş vəziyyətdə idarə edən və xuliqanlıq edən sürücü inzibati həbs edilib

Respublikaxəbər.az xəbər verir ki, Şəkidə avtomobili sərxoş vəziyyətdə idarə etməklə xuliqanlıq edən sürücü inzibati həbs edilib.


Respublikaxəbər.az-ın məlumatına görə Şəki Şəhər-Rayon Polis Şöbəsinin Dövlət Yol Polisi Bölməsinin əməkdaşları tərəfindən nəqliyyat vasitəsini sərxoş vəziyyətdə idarə edərək digər hərəkət iştirakçılarına da təhlükə yaradan sürücü saxlanılıb.



“VAZ-2107” markalı, 55-SS-355 dövlət qeydiyyat nişanlı avtomobilin sürücüsü, Şəki şəhər sakini Asif Məmmədov, yol-hərəkəti qaydalarını pozduğu üçün YPX inspektoru tərəfindən ona “saxla” işarəsi verilib. Yoxlama zamanı həmin şəxsin sərxoş olduğu aşkarlanıb. Həmçinin, öz əməlinə haqq qazandırmaq üçün polis əməkdaşlarının qanuni tələbinə məhəl qoymayan sürücü xırda xuliqanlıq hərəkətlərinə də yol verib. Asif Məmmədov barəsində toplanmış materiallar hüquqi qiymət verilməsi üçün Şəki Rayon Məhkəməsinə göndərilib və məhkəmənin qərarı ilə o, 10 sutka inzibati həbs olunmaqla sürücülük hüququndan 2 il müddətinə məhrum edilib.


Qeyd edək ki, həmin sürücü əvvəllər də avtomobili sərxoş halda idarə etdiyinə, eləcə yol-hərəkəti qaydalarını müxtəlif üsullarla pozduğuna görə, barəsində son 1 il ərzində 10 dəfə inzibati tənbeh tədbiri görülüb.
Respublikaxəbər.az