ŞƏKİDƏ NƏZİR QUTULARININ AYLIĞI NƏ QƏDƏRDİR?

Respublikaxəbər.az xəbər verir ki, Şəkidə ziyarətgaha qoyulan nəzir qutuları aylıq icarəyə verilir. Hər ziyarətgahın və nəzir qutusunun öz qiyməti var. Bu barədə məlumatı Şəkinin Baş Layısqı kəndində hüzur mərasimlərinin birində Murad adlı "molla" (məclisin aparıcı mollası) deyib bu sözləri. Molla Muradın dedikləri ilə bağlı
"ŞƏKİ-OĞUZ BÖLGƏ QAZİSİ" Hacı Kamran əfəndi ilə əlaqə saxladıq, Hacı Kamran əfəndi bildirdi ki, bəli, Murad hər ay pul ödəyir, biz də ona qəbz veririk. Murad yas mərasimində hər ay 70 manat oldu-olmadı (fərq etməz) desə də, 4-5 gün sonra sözünü dəyişdi. Dedi hər ay nə qədər məbləğ ödəyirəmsə, o qədər məbləğin də ödəniş qəbzini alıram. Nəticə etibarı ilə bizdə yaranmış şübhəni ləğv etməyimiz üçün həm öz tərəfimizdən səlahiyyətimiz çərçivəsində araşdırma aparılacaq, həm də aidiyyatı qurumlara, Hüquq-mühafizə orqanlarına məlumat məktubu ünvanlanacaq.

Respublikaxəbər.az