ŞƏKİ POLİSİ, ULU ÖNDƏR HEYDƏR ƏLİYEVİN ANADAN OLMASININ 100-CÜ İL DÖNÜMÜNƏ HƏSR OLUNAN TƏDBİR KEÇİRİB

RESPUBLİKAXƏBƏR.AZ xəbər verir ki, Şəki Şəhər Rayon Polis Şöbəsinin təşkilatçılığı ilə Ulu Öndər Heydər Əliyevin anadan olmasının ildönümünə həsr olunan tədbir keçirilib.

Tədbir iştirakçıları əvvəlcə şəhər ərazisində Ümummilli Liderin abidəsini ziyarət edərək önünə gül dəstələri düzüb, əziz xatirəsini dərin ehtiramla yad ediblər.
İştirakçılar daha sonra Heydər Əliyev Mərkəzinin foyesində Ulu Öndərin həyatının müxtəlif dövrlərini əks etdirən fotoşəkillərin nümayiş olunduğu guşə ilə tanış olublar. Sonra Polis Şöbəsinin inzibati binasında davam etdirilən tədbirdə əvvəlcə dahi şəxsiyyət Heydər Əliyevin, Azərbaycanın suverenliyi və ərazi bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib, daha sonra Dövlət Himni səsləndirilib.




Tədbiri giriş sözü ilə açan Şəki ŞRPŞ-nin rəisi, polis polkovniki Elnur Həsənov müasir, müstəqil Azərbaycan dövlətinin memarı və qurucusu Heydər Əliyevin Azərbaycan tarixindəki əvəzolunmaz fəaliyyətindən, o cümlədən demokratik, hüquqi dövlət quruculuğunda ölkəmizin qüdrətlənməsindəki misilsiz xidmətlərindən danışıb.
Daha sonra çıxış edənlər Ümummilli Liderin xalqımız və dövlətimiz qarşısındakı misilsiz xidmətindən söz açıblar. Bildirilib ki, Heydər Əliyev Azərbaycan xalqının yaddaşında qurucu və xilaskar dövlət xadimi, milli lider və xalq məhəbbətini qazanan öndər kimi əbədilik qazanıb. Sonra Ulu Öndərin anadan olmasının 100-cü ildönümü münasibəti ilə Şəki Heydər Əliyev Mərkəzinin qarşısındakı ərazidə ağacəkmə aksiyası keçirilib. Aksiya zamanı əkilən ağaclar suvarılıb və onlara aqrotexniki qulluq göstərilib







RESPUBLİKAXƏBƏR.AZ