ŞƏHİD MƏMMƏDLİ PƏRVİZİN ABİDƏSİ UÇURUMDA. ŞƏHİD ANASI NEFTÇALA ŞƏHƏR İHB-DAN NARAZIDIR.

RESPUBLİKAXƏBƏR.AZ xəbər verir ki, 24 oktyabr 2020-ci ildə Şuşa şəhəri uğrunda gedən döyüşlərdə qəhramancasına vuruşaraq şəhidlik zirvəsinə yüksəlmiş şəhid Məmmədli Pərviz Həsən oğlunun şrəfinə ucaldılmış abidə get-gedə uçuruma gedir. Bu barədə məlumatı redaksiyamıza sosial şəbəkə vasitəsi ilə mübarək şəhidimizin anası məlumat vermişdir.
Şəhid anası müraciəıti zamanı bildirir ki, ümumiyyətlə şəhid Məmmədli Pərviz oğluna layiq olunan dəyəri İcra Hakimiyyətinin başçısı vermir. Nə şəhidin evinə gələn yolu düzəldir, nə də diqqət və qayğı göstərmir. Redaksiyanın rəhbəri Elyaz Yazan, bildirir ki, Şəhid anası 2020-ci ildən bu günə qədər bizim dəyərli izləyicilərimizdəndir, O, həmin ildən bu günə qədər onun evinə gedən yolun bərbad olması barədə dəfələrlə məlumat vermişdir. Hazırda sonuncu bu məlumatı verdi, Məlumat əsasında İcra Hakimiyyətinin məsul əməkdaşı iləəlaqə saxlayaraq ona məlumatı çatdırdıq, İcra Hakimiyyətindən redaksiyamıza verilən məlumat belədir ki, hazırda su-konalizasiya xətlərinin bərpası ilə əlaqədər olaraq yollarda təmir işləri gedir. Həmin şəhidin şərəfinə ucaldılmış abidə də maqistral xəttin üzərində inşa olunub. Ona görə Podratçı şirkət təmir işlərini ehtiyyatla görürlər ki, abidəyə zərər toxunmasın. Lakin, buna baxmayaraq Podratçı şirkət, sonda abidyə zərər dəyərsə, həmin abidəyə dəymiş zərəri yüksək səviyyədə bərpa edəcək. Onu tam zərərsiz şəkildə təhvil verəcək. Onu da qeyd edək ki, İcra Hakimiyyətindən verilən məlumatda deyilənlərdə həqiqət var. Abidə maqistral xəttin üzərində yerləşirsə, bir abidəyə görə bütün ictimaiyyətin həyatı təhlükə altına salına bilməz. Hesab edirik ki, qısa zaman ərzində təmir işləri bitər, hörmətli şəhid anamızın da qəlbi rahatlaşar. Bir daha mübarək şəhid anamıza uca Allahdan səbr diləyirik. Şəhidimizin evinə gedən yolun da asfalt örtüyü ilə örtülməsi ilə barədə də Neftçala rayon İcra Hakimiyyətinin başçısına xahiş məktubu ünvanlayacağıq.

Respublikaxəbər.az

Pərviz Məmmədli 30 mart 1996-cı ildə Neftçala rayonunda anadan olmuşdur. 2002-ci ildə Neftçala rayonu E. Həbibov adına 4 saylı orta məktəbin 1-ci sinifinə daxil olmuşdur. 5-ci sinfi Neftçala rayon Humanitar Təmayüllü Muğan Liseyində, 6–8-ci sinfləri isə Bakı şəhərində yerləşən Respublika Olimpiya İdman Liseyində, təhsilini boks uzrə davam etdirmişdir. Orda da bir neçə nailiyyətlər qazanmışdır. 2019-cu ildə ailə həyatı qurmuşdur, və bu evlilikdən (14 fevral 2020-ci il təvəllüdlü) Miray adlı övladı dünyaya gəlmişdir.

2014-cü ilin aprel ayında Neftçala rayon hərbi komissarlığı tərəfindən həqiqi hərbi xidmətə çağırılır. Pərviz ilk xidmətini Sumqayıt şəhərinin Hacı Zeynalabdin qəsəbəsi N saylı hərbi hissədə xidmətə başlayır. Xidməti dövrundə hərbi hissədə rabitə bölüyündə baş rabitəçi xidmətini davam etdirir. Bir müddət sonra Qusar rayonu 651 saylı hərbi hissəyə ezam olunur və xidmətini orda davam etdirir. Bir il xidmət etdikdən sonra Pərviz komandirləri tərəfindən yüksək qiymətləndirilir və Xüsusi Təyinatlı Qüvvələrin kursuna yollayırlar. 400 nəfərin iştirak etdiyi 180 günlük kursda Pərviz daxil olmaqla 16 nəfər kursu müvəffəqiyyətlə başa vurur. Türkiyə Özəl Qüvvələri Komandirliyi tərfindən alqışlanır və xüsusi hədiyyə verilir.

Pərviz Xüsusi Təyinatlıların kursunu bitirdikdən sonra yeni işinə Cəlilabad rayonunda N saylı hərbi hissədə başlayır.

2016-ci ilin Aprel döyüşlərində Pərviz iştirak edir. Və snayperlə sol bud nahiyyəsindən vurularaq ağır yaralanır. Bir müddət Gəncə Hospitalında yatır və 2 dəfə əməliyyat olunur.

2020-ci il ancaq təlimlərdə olur. Dağçılıq, amfibiya (dənizçilik) təlimlərində də nailiyyətlər əldə etmişdi.

2020-ci ilin sentyabrın 27-də başlanan Vətən müharibəsində Pərviz 26 sentyabr XTQ birlikdə müharibəyə yollanır. Füzuli, Cəbrayıl, Hadrut, Laçın, Xankəndi və Şuşa uğrunda döyüşlərdə qəhrəmancasına döyüşmüşdür.

Məmmədli Pərviz Həsən oğlu 24 oktyabr 2020-ci il tarixində Şuşa uğrunda gedən döyüşlərdə snayperlə vurularaq həlak olmuşdur. O doğma Neftçala rayonunda dəfn olunmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Pərviz Məmmədli ölümündən sonra "Vətən uğrunda" medalı ilə təltif edilib.

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Pərviz Məmmədli ölümündən sonra "Cəsur döyüşçü" medalı ilə təltif edilib

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Pərviz Məmmədli ölümündən sonra "Xocavəndin azad olunmasına görə" medalı ilə təltif edilib

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 05.11.2021-ci il tarixli Sərəncamına əsasən Pərviz Məmmədli ölümündən sonra "Füzulinin azad olunmasına görə" medalı ilə təltif edilib.