Şəki sakinləri Şin Şadlıq sarayı adı ilə tanınan restoranda qurulmuş toy şənliyində qidadan zəhərlənib

RESPUBLİKAXƏBƏR.AZ xəbər verir ki, keçirilən toy məclisində qidadan zəhərlənmə baş verib.

RESPUBLİKAXƏBƏR.AZ-ın məlumatına görə, hadisə ötən gün Baş Göynük kənd ərazisində keçirilən toy məclisində baş verib.

Rayonun Baş Göynük kənd sakinləri - 1961-ci il təvəllüdlü Səyarə İbrahim qızı Aslanova, 1953-cü il təvəllüdlü Rəcəb Şərif oğlu Əhmədov, 1972-ci il təvəllüdlü Bahar Musa qızı Cəfərova, 1962-ci il təvəllüdlü Sürayə Həsən qızı Cəfərova, 1975-ci il təvəllüdlü Vüsalə Sabir qızı Aslanova, 1958-ci il təvəlllüdlü Hidayət Həsən oğlu Aydəmirov və 1958-ci il təvəllüdlü Əsgər Qara oğlu Əsgərov qida zəhərlənməsi əlamətləri ilə Şəki Rayon Mərkəzi Xəstəxanasına müraciət ediblər.

Zəhərlənmə əlamətləri ilə xəstəxanaya müraciət edən şəxslərə lazımi tibbi yardım göstərilib, onlardan müvafiq nümunələr götürülüb. Həkim müdaxiləsindən sonra vəziyyətləri stabilləşən Baş Göynük kənd sakinləri ambulator müalicə almaq şərti ilə evə buraxılıblar.
Hadisə ilə bağlı məlumat alarkən toy mərasimində qidadan zəhərlənən şəxslərdən Əhmədov Rəcəb Şərif oğlu ilə əlaqə saxladıq, O bildirdi ki, toy mərasimi, bir qismi Şəkinin Şin kəndi ərazisində yerləşən Şin sadlıq sarayı kimi tanınan restoranda toy mərasimində iştirak edərkən yediyi qidalardan zəhərlənib. Bu məsələdə Şadlıq evi məsuliyyət daşıyıb-daşımaması ilə bağlı aidiyyatı qurumlara ünvanlayacağımız sorğu məktublarından və sorğu məktublarımıza veriləcək cavabdan sonra biləcəyik.
Faktla bağlı araşdırma aparılır.

Respublikaxəbər.az