YENİ PROKURORDAN YENİLİK. AZƏRBAYCANDA GÖRÜNMƏYƏN BİR HAL

Ağdaş rayonuna yeni təyin olunmuş rayon prokuroru Anar Əliyev rayon prokurorluğunda yenilik edib.

Respublikaxəbər.az xəbər verir ki, Ağdaş rayon prokuroru hörmətli Anar Əliyev vətəndaşları hər gün qəbul edir.

Respublikaxəbər.az-ın rəhbəri Elyaz (Yazan) Gülüyev, şəxsi işi ilə bağlı Ağdaş rayon prokurorluğuna getdiyi zaman rayon prokurorunun qəbul günü olub-olmadığını maraqlanmaq üçün rayon prokurorluğunun inzibati binasına daxil olarkən divardan asılmış məlumat cədvəllərinə baxıb və bir an xəyala gedib. Səbəbi isə gördüyünüz kimi Ağdaş rayon prokurorunun gündəlik 8 iş saatından 6 saatını vətəndaş qəbuluna ayırmasını görməsi olub.

Elyaz (Yazan) Gülüyev deyir:
Mən Ağdaş rayon prokurorluğunda ikinci dəfə oldum. Düzdür, hər getdiyimdə Ağdaş RPŞ-nin TB-nin Ruhid Yaqublunun və Vüsal Əzənmədovun qanunsuz hərəkətləri barədə şikayət etmək üçün getmişəm. Lakin məni hər iki səfərimdə qəbul edən rayon prokurorunun köməkçisi hörmətli prokuror Ləman Abbasova yüksək səviyyədə qəbul edib, mənimlə nəzakətli davranıb. Mənim də fikirlərimə və bildirdiyim şikayətlərimə hörmətlə yanaşaraq diqqətli dinləmişdir. Etdiyim şikayət əsasında birinci təhqiqatçının qərarı ləğv olunub, növbəti təhqiqatçının da qərarının qanunsuz olub-olmaması ilə bağlı Ağdaş RPŞ-nin TB-dən şikayətim əsasında aparılan araşdırma ilə bağlı toplanmış materialları tələb edəcəyini və nəticə etibarı ilə hüquqi qiymət veriləcəyini deyib yola salıb.

Bu sözləri deməkdə məqsədim odur ki, mən Ağdaş rayon prokurorunun diqqətinə çatdırımki, onun bu təşəbbüsü nəinki Ağdaş sakinləri üçün,həmçinin bütün Azərbaycan Respublıikasının vətəndaşları üçün bəyənilən oldu. Hansı bir şəxsin yanında danışıram, əvvəl inamır, sonra vətəndaşların qəbulu cədvəlinin fotorəsmini göstərdiyim zaman onlar da sevinirlər və dəyərli prokurora təşəkkür edirlər.

İnanırıq ki, Çox hörmətli prokuror Anar Əliyev daimi bu şəkildə vətəndaş hüquq və azadlıqlarına hörmətlə yanaşaraq, xalqın ona qarşı olan sevgisini və hörmətini qazanacaq. cənab prokurora dərin minnətdaram. Həmçinin prokuror köməkçisi hörmətli Ləman xanım Abbasovaya!
Hörmətlə: Elyaz (Yazan)
Bütün bunlardan əlavə onu da qeyd edək ki, Elyaz (Yazan) Gülüyev, Ağdaş rayon prokurorunun bu cür müsbət xidmətləri ilə bağlı, həmçinin prokurorun köməkçisi Ləman Abbasovanın onu səbrlə, təmkinlə dinləyərək onu möhtəşəm şəkildə qəbul etməsinə görə Azərbaycan Respublıikasının prezidenti cənab İlham Əliyevə və AR-nın Baş prokuroruna təşəkkür məktubu ünvanlayacağını deyib..

Respublikaxəbər.az