AĞDAŞ RPŞ-NİN TB-NİN TƏHQİQATÇISINA RƏHBƏRLİK TƏRƏFİNDƏN TƏZYİQ VAR?

Ağdaş Rayon Polis Şöbəsinin TB-nin rəisi rayonda sahibkarlara dayi-dayılıq edərək, onların törətdiyi inzibati və ya cinayət tərkibli əməllərini mülkü xarakterə çevirir.
Bu barədə Respublikaxəbər.az-ın rəhbəri Elyaz (Yazan) Gülüyev deyir:
Elyaz (Yazan) Gülüyev, rayon ərazisində başına gələn hadisə ilə bağlı DİN-nin 102 xidmətinə etdiyi zəng əsasında Ağdaş RPŞ-nin TB-nin təhqiqatçısı Ruhid Yaqublunun icraatında aparılan təhqiqat araşdırmasının nəticəsində qəbul olunmuş qərarı, rayon prokurorluğuna müraciət edərək həmin qərarın qanunsuz və əsassız olduğunu isbatla bildirərək ləğv etdirib. Yenidən həmin materiallar yenidən, tam obyektiv, qərəzsiz və hərtərəfli araşdırma aparılaraq ədalətli qərar qəbul edilməklə işə hüquqi qiymət verilməsi üçün Ağdaş RPŞ-nin TB-nin təhqiqatçısı Vüsal müəllimə həvalə edilib. Təhqiqatçı Vüsal müəllim də heç bir əlavə araşdırma aparmadan Ruhid Yaqublunun qərarını qüvvəsində saxlayıb. İndi burada sual yaranır?
Sual: Əgər, Ruhid Yaqublunun qəbul etdiyi qərar qanuni idisə, Rayon prokuroru həmin qərarı niyə ləğv edib, yenidən araşdırmaya göndərdi. Yox qanuni deyildisə, növbəti təhqiqatçı əlavə nəyi araşdırdı?
Elyaz (Yazan) Gülüyev, əlavə olaraq onu da qeyd edib ki, təhqiqatçı Ruhid Yaqubluya rəhbərliyi tərəfindən təzyiq göstərildiyini, həmin təzyiqi də Ruhid Yaqublunun təsdiq etdiyini bildirib. Bu kimi kobud qanun pozuntusu ilə bağlı, Elyaz (Yazan) Gülüyevin müraciəti,təkrar şikayət etməsi səbəbindən Baş Prokurorluq tərəfindən nəzarətə götürülüb. Baş Prokurorluqdan Elyaz Gülüyeva növbəti təhqiqatçının qəbul etdiyi qərarı alması tapşırılıb.
Elyaz (Yazan) Gülüyev, qərarın qanunsuz və əsassız olmasının hesab edilməsini belə əsaslandırır ki, Ağdaş rayon, Yuxarı Qəsil kəndində tanımadığı bir şəxs, (deyilənə görə Avtomobil təmiri sexini işlədən) ictimaiyyət içərisində nalayiq ifadələr işlədərək onu təhqir etməsi,bundan əlavə də sözlə ölümlə hədələməsinə baxmayaraq, həmin şəxsin barəsində Azərbaycan Respublikası İXM-nin 510-cu maddəsinə (xırda xuliqanlıq) dair qərar qəbul olunmaqla onu inzibati məsuliyyətə cəlb edilməli idi. Lakin, onu həmin məsuliyyətdən uzaqlaşdırılıb.
Elyas (Yazan) Gülüyev, bu işin sonuna qədər, yəni, Onu hədələyən Taleh Mabudovun barəsində AR-İXM-nin 510-cu maddəsi ilə qərar qəbul edilib inzibati məsuliyyətə cəlb edilənə qədər (işə hüquqi qiymət verilənə qədər) qanunvericiliyin tələblərinə əsasən mübarizə aparacağını, bundan əlavə də hər iki təhqiqatçının barəsində xüsusi qərardad çıxarılması üçün məhkəməyə müraciət edəcəyini bildirib.

Respublikaxəbər.az