BAKI ŞBDYİ-NİN YPX İNSPEKTORU VƏTƏNDAŞI SAXLAYIB PROTOKOL TƏQDİM ETMƏYİB.

Respublikaxəbər.az xəbər verir ki, 17 avqust 2022-ci il tarixdə Nizami rayon Qara Qarayev prospektində Bakı Şəhər Baş Polis İdarəsi, Baş DYPİ-nin 99 YP 469 DQN nişanlı xidməti avtomobili ilə xidmətdə olan, adları məlum olmayan əməkdaşları Respublikaxəbər.az İnformasiya-Xəbər Portalının rəhbəri Elyaz (Yazan) Gülüyevin idarə etdiyi "TOYOTA PRİUS" markalı, 10 VY 783 DQN nişanlı avtomobilini bədən dili (baş nahiyəsinin hərəkətləri ilə) dayanma əmrini vermişdir. E.Gülüyev, yol verdiyi inzibati xətanı anlamış, avtomobili yolun kənarına sürərək saxlayıb, baş hərəkəti ilə dayanma əmrini verən inspektora yaxınlaşmış,etdiyi xətanı bilməyərəkdən (Fikirli olduğundan) etdiyini bildirmiş,üzr istəmiş, lakin, bilməmişəm və ya üzr istəyirəm deməyin məsuliyyətdən azad olmasına əsas vermədiyini bildiyini deyərək, sürücülük vəsiqəsini nizamlı şəkildə YPX inspektoruna təqdim edərək protokol tərtib etməsini xahiş etmişdir.
YPX inspektoru da E.Gülüyevin sürücülük vəsiqəsini iki-üç dəqiqə yazı işi apardıqdan sonra E.Gülüyevə geri qaytararaq, cərimə sənə elektron qaydada gələcək demişdir. YPX-inspektorunun bu kimi hərəkəti E.Gülüyevdə suallar yaratsa da, E.Gülüyev, həmin sualları öz-özünə vermiş və cavab tapmamışdır. Sual belə olub:
Sual 1: Əyər YPX inspektoru saxlayırsa və cərimə edirsə, nə üçün tərtib tərtib etdiyi protokolu vətəndaşa təqdim etmir?
Sual 2: Cərimə elektron qaydada gəlirsə, YPX inspektoru nə üçün saxlayır?
Bundan sonra E.Gülüyev DİN-nin 102 zəng xidmətinə zəng edərək şikayətini bildirib. Səhəri gün yəni 18 avqust 2022-ci il tarixdə Baş DYPİ-nin 902 zəng xidmətinə zəng etmiş, 1 rəqəmini basmışdır.
902 zəng xidmətindən telefon zənginə cavab verən şəxs, E.Gülüyevə 902 rəqəmini yığdıqdan sonra 2 rəqəmini basmağı tövsiyə etmişdir.
E.Gülüyev təkrar 902 zəng xidmətinə zəng etmiş, bu dəfə 2 rəqəmini yığmışdır. Yenə E.Gülüyevə bildirilmişdir ki, Siz 2 rəqəmini deyil, 1 rəqəmini yığın. E.Gülüyev qəzəblənsə də təkrar bir daha 902 zəng xidmətinə zəng edərək 1 rəqəmini yığmış, bu dəfə zəngə cavab verən şəxs,E.Gülüyevin müraciətini dinlədikdən sonra onu Bakı Şəhər BDYPİ-nin inzibati binasında yerləşən 108 saylı otağa dəvət etmiş,E.Gülüyev həmin şəxsə bildirmişdir ki,şikayətimi Siz yönəldin, məni dəvət etsinlər ki, mən də gedim. O da bildirmişdir ki, mən dəvət edirəm daaa səni. E.Gülüyev həmin şəxsin kimliyini soruşmuş, O da mən Bilalam demişdir. E.Gülüyev ona irad bildirərək demişdir ki, bu necə təqdimatdır.??!!
E.Gülüyev telefonuna bir daha baxmış, bir an elə düşünüb ki, O, həmkəndlisi Bilal adlı şəxsə zəng edib.
Nəticə etibarı ilə E.Gülüyev bütün bu və bunun kimi digər qanunsuz hərəkətlərlə bağlı Azərbaycan Respublikasının Baş Prokuroru cənab Kamran Əliyevə, həmçinin DİN-nin rəhbərliyinə rəsmi məktub ünvanlayacağını bildirib.
Qarşı tərəfi dinləməyə hazırıq!

Respublikaxəbər.az