ELYAZ (YAZAN)"Azərbaycan polisi həmişə xalqın və dövlətin mənafeyinə ləyaqətlə xidmət edib"

Bu gün Respublikaxəbər.az-ın rəhbəri Elyaz (Yazan) Gülüyev, paytaxtda şəxsi avtomobili ilə hərəkətdə olarkən, paytaxtın Nəsimi rayon ərazisində şahidi olduğu bir mənzərəni üzərində olan mobil telefonu ilə videoçəkiliş olaraq qeydə almışdır. O, polisin xidmətdə olan zaman yolda avtomobili nasaz olmuş vətəndaşa kömək etdikləri anı çəkmək istədiyi zaman, polis, "vəzifə borcumuzdur" deyərək çəkməsinə etiraz etsə də Elyaz (Yazan) reallığı yazan bir media işçisi olaraq peşə fəaliyyətinə davam edib. Onu da qeyd edək ki, Elyaz (Yazan) çəkdiyi videomaterialı dost-tanışlarına fərəhlə göstərərək Azərbaycan polisinin fəaliyyətinin yüksək səviyyədə olduğunu bildirib.
Qeydə alınan və Siz dəyərli izləyicilərimizə təqdim etdiyimiz videonu izləməyi, kanalımıza abunə olmağı da Siz dəyərli izləyicilərimizdən xahiş edirik

Elyaz (Yazan)__
Müstəqil dövlətimizin ən mühüm atributlarından, əsas sütunlarından olan Azərbaycan polisinin təxminən 25 gün sonra 104 yaşı tamam olur.

Azərbaycan polisi həmişə xalqın və dövlətin mənafeyinə ləyaqətlə xidmət edib, ölkədə ictimai asayişin, təhlükəsizliyin mühafizəsi, əmin-amanlığın qorunması, cinayətkarlığa qarşı mübarizə aparılması kimi məsuliyyətli vəzifələri vicdanla yerinə yetirib:
Onların böyük vətəndaşlıq məsuliyyətini, cəsarətini hər zaman yüksək qiymətləndirən Ulu öndər Heydər Əliyev Azərbaycan polisini ölkənin, xalqın keşiyində duran mübariz bir dövlət orqanı kimi dəyərləndirib.
Koronavirus pandemiyasının hamımızı sınağa çəkdiyi günlərdə fəaliyyəti ilə yadda qalan, nümunə göstərən, vətəndaşın yanında olan polis əməkdaşlarının zəhməti hər kəsin gözü önündə oldu:

"Cəsarətli tibb işçilərimiz, könüllü gənclərimiz, hərbi qulluqçularımızla yanaşı, polis əməkdaşları da fəalliyyətləri, nümunəvi davranışları ilə soydaşlarımızın təhlükəsizliyi keşiyində ayıq-sayıq dayandılar. Hər an koronavirusa yoluxma təhlükəsi ilə üz-üzə qalan şərəfli peşə sahibləri ciddi rejimdə tapşırıqların öhdəsindən layiqincə gəldilər. Onlar bu ağır, çətin günlərdə bəzən həyatlarını təhlükəyə ataraq, daim vətəndaşların mənafeyi üçün xidmət keçdilər".

Azərbaycan polisi yağışın, soyuğun, küləyin, qızmar günəşin yaratdığı narahatlıqlara məhəl qoymadan vəzifə borcuna sədaqət nümayiş etdirdi:
"Yolda qalanın, yardıma ehtiyacı olanın, xəstə insanların ilk köməyinə çatan polislərimiz oldu. Onları əhalinin ən həssas təbəqəsinə zəruri ərzağın, xəstələrə tibbi ləvazimatların, dərmanların çatdırılmasında ön sıralarda gördük. Koronavirus pandemiyası ilə bağlı maarifləndirmə işlərində də polislərimizin fəaliyyəti əvəzsiz oldu.

Polisin vətəndaşlarla kobud davranışının şahidi olduğumuz bəzi demokratik ölkələrdən fərqli olaraq, Azərbaycan polisi bəzən vətəndaşlarımızın haqsız rəftarı qarşısında belə nəzakət nümayiş etdirdilər, yüksək peşəkarlıqla humanist mövqe sərgilədilər. Məhz bunun üçün hər bir vətəndaş onu qoruyan, onun təhlükəsizliyini təmin edən polis əməkdaşını gördükdə özünü güvəndə hiss edir.

Dövlətin, xalqın asayişi keşiyində dayanan hər bir polis əməkdaşına bu çətin günlərdə onlara vətəndaşlarımızın sağlamlığı naminə atdıqları qətiyyətli addımlarda uğurlar arzulayırıq"!

Sağol, Azərbaycan Polisi!

Hörmətlə: Elyaz (Yazan) RESPUBLİKAXƏBƏR.AZ