Rayonun Çərəkə kəndi şəhidlər xiyabanında Azərbaycanın Dövlət bayrağı ucaldıldı - FOTOLAR

Respublikaxəbər.az-ın məlumatına görə Dekabrın 30-da Göyçay rayonunun Çərəkə kəndində Şəhidlər xiyabanında Azərbaycanın Dövlət bayrağı ucaldıldı. İkinci Qarabağ müharibəsi döyüşlərində şəhid olmuş Şirinov Eldar Bağır oğlunun toplantı iştirakçıları məzarını ziyarət etmiş, üstünə tər qərənfillər düzərək ehtiramlarını bildirmişlər. Çərəkəli vətən müharibəsi döyüşçüləri və qaziləri ilə rayon rəhbəri görüşdü. Bayraq kompleksin açılışında rayon rəhbərliyi, hərbçilər, rayon ictimaiyyəti və şəhidin yaxınları iştirak edib.

Çıxış edən rayon İcra Hakimiyyətinin başçısı cənab Mehdi Səlimzadə Azərbaycan ordusunun gücündən, ölkəmizdə ordu quruculuğu istiqamətində görülən işlərdən, İkinci Qarabağ döyüşlərində əsgərlərimizin göstərdiyi şücaətdən də bəhs edilib. Ali Baş Komandan İlham Əliyevin rəhbərliyi ilə ölkəmiz həm döyüş meydanında, həm də siyasi arenada qələbə qazandığını bildirən icra başçısı qazanılan qələbədə Ordu ilə birlik nümayiş etdirən Azərbaycan xalqının da payı böyük olduğunu qeyd etdi. Ordu ilə birləşən xalq öz tarixini möhtəşəm qələbə ilə şərəfləndirdi, tarixi ədalət bərpa edildiyini bildirən rayon rəhbəri şəhid ailələri, əlil və müharibə iştirakçılarına göstərilən dövlət dəstəyindən danışıb. O, bildirib ki, öz qanı və canı bahasına Vətən torpağının müdafiəsinə qalxanlar, həmçinin onların ailələri daim diqqətdə saxlanılırlar, Onlar bundan sonra da dövlətimizin qayğısını hiss edəcəklər. Torpaqlarımızın bütövlüyü uğrunda canından keçən igidlərimiz heç vaxt unudulmayacaq, onların əməlləri gələcək nəsillərə nümunə göstəriləcəkdir. Mərasimdə çıxış edən natiqlər iştirakçıları Böyük Qələbə münasibətilə təbrik edərək, şəhidlrəimizə Allahdan rəhmət, qazilərimizə şəfa dilədilər.
Bildirildi ki, ölkəmizin ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlıqlarını itirmiş insanlarımızın cənab Prezidentin tapşırığına uyğun olaraq hərtərəfli sosial təminatla əhatə olunurlar. Kənd tam orta məktəbin şagirdləri Azərbaycan, vətən və şəhidlər adlı şerlər səsləndirdilər.
Sonda müharibə iştirakçıları rayon İcra Hakimiyyətində qəbul olunduğu üçün öz dərin təşəkkür və minnətdarlıqlarını bildirmişdir.
Tədbir sosial izolyasiya qaydalarına uyğun olaraq keçirilib.