Rayon rəhbəri Dünya Azərbaycanlılarının Həmrəylik Günü və Zəfər qalibiyyəti münasibətilə qazimizi təbrik etdi

Respublikaxəbər.az-a daxil olan məlumata görə Göyçay rayon İcra Hakimiyyətinin başçısı Mehdi Səlizadə Göyçay rayonu Çərəkə kənd sakini Məmmədov Elməddin Mahir oğlu və qazinin ailə üzvləri ilə görüşmüşdür. Rayon rəhbəri Ali Baş Komandan İlham Əliyevin rəhbərliyi ilə ölkəmiz həm döyüş meydanında, həm də siyasi arenada qələbə qazandığını bildirərək qazanılan qələbədə Ordu ilə birlik nümayiş etdirən Azərbaycan xalqının da payı böyük olduğunu qeyd edib.

Tarixi ədalətin bərpa edildiyini bildirən rayon rəhbəri şəhid ailələri, əlil və müharibə iştirakçılarına göstərilən dövlət dəstəyindən danışıb, torpaqlarımızın bütövlüyü uğrunda canından keçən igidlərimizin heç vaxt unudulmayacaqlarını, onların əməllərinin gələcək nəsillərə nümunə olduğunu qeyd etmişdir. Azərbaycan ordusunun gücündən, ölkəmizdə ordu quruculuğu istiqamətində görülən işlərdən, İkinci Qarabağ döyüşlərində əsgərlərimizin göstərdiyi şücaətdən də bəhs edilib.
Qazi Elməddin Məmmədov bu gün ölkəmizin hər yerində o cümlədən Göyçayda şəhid və qazi ailələrinə daim göstərilən diqqətə və qayğıya görə ölkə başçısına və Birinci vitse-prezidentimiz Mehriban xanım Əliyevaya dərin minnətdarlıqlarını bildirmişlər.

Qeyd edək ki, 1995 ci il təvəllüdlü Məmmədov Elməddin Mahir oğlu 29. 10. 2020 ci il tarixində vətən müharibəsinə könüllü olaraq döyüşlərə gedib. 07.10. 2020 ci il tarixində Cəbrayıl uğrunda qanlı döyüşlərdə ağır yaralanmışdır. 13.12.2020 ci tarixində Hərbi Hospitalda müalicə alaraq doğulduğu Çərəkə kəndində qayıtmışdır.
Görüş sosial izolyasiya qaydalarına uyğun olaraq keçirilib.




Rəhbəri olduğu Göyçay rayonunun şəhidlərinə, şəhid və Qazi ailələrinə diqqət və qayğısını əsirgəmədiyi üçün redaksiyamız adından cənab Mehdi Səlimzadəyə və bütün əməkdaşlarına minnətdarlığımızı bildiririk.


Sənəm Əliyeva