Bərdədə dörd, Zaqatalada beşotaqlı ev yandı

Gecə saatlarında Bərdə və Zaqatalada yanğın qeydə alınıb.

Bununla bağlı Fövqəladə Hallar Nazirliyinə istinadən Respublikaxəbər.az məlumat verib.

Bildirilib ki, Bərdə rayonunun Gərənə kəndində ümumi sahəsi 48 kvadrat metr olan birmərtəbəli dördotaqlı, Zaqatala rayonunun isə Çobankol kəndində ümumi sahəsi 156 kadrat metr olan kürsülü birmərtəbəli beşotaqlı evin yanar konstruksiyaları yanıb.

Yaxınlıqdakı tikililər yanğından mühafizə olunub. Yanğın söndürülüb.


Sənəm Əliyeva