Bakıda dördotaqlı ev yanıb

Bakı şəhərinin Sabunçu rayonunda yanğın baş verib.

Respublikaxəbər.az Fövqəladə Hallar Nazirliyinə istinadən xəbər verir ki, hadisə zamanı bir dam altında bir-birinə bitişik tikilən taxta konstruksiyalardan ibarət birmərtəbəli evlərdən ümumi sahəsi 90 kv/m olan 4 otaqlı evin yanar konstruksiyaları və ev əşyaları 28 kv/m sahədə yanıb. Evin qalan hissəsi və bitişik evlər yanğından mühafizə olunub.

Yanğın yanğından mühafizə bölmələri tərəfindən söndürülüb.


Sənəm Əliyeva