Bu da Azərbaycanın ən varlı müğənnilərindən birinin LÜKS MƏNZİLİ - FOTO

Şou-biznesin ən varlı müğənnilərindən sayılan əməkdar artist Vasif Məhərrəmli özünə yeni mənzil alıb.

Milli.Az istinadən Respublikaxebere xəbər verir ki, ATV-də yayımlanan "Ulduzlu yayım" proqramının çəkiliş heyəti müğənninin yeni təmirdən çıxan lüks mənzilində olub.

Çəkiliş heyətini oğlu Məhəmməd Əli ilə qarşılayan Vasif çox təmizkar olduğunu bildirib:

"Fərqi yoxdur, evə hansımız girdik - Bacım, mən, yoldaşım fərqi yoxdur, o dəqiqə ayaqqabımız çıxan kimi aparırıq çamaşırxanaya. Bunun üçün balaca çamaşırxana da hazırlatmışam. Orada yuyulur, təmizlənir. Quruduqdan sonra yığılır şkafa.

Ayaqqabılarımın əksəriyyətini İtaliyaya gedəndə almışam. Adam var başdan-ayağa brend geyinir, amma görsənmir ki, bunda brenddir".

Əməkdar artist evinin dizaynını memara həvalə etdiyini bildirib:

"Evimdə memar işləyib. Amma aboyu, divarın rəngini, çılçıraqları özüm seçmişəm. 5 ildir burada yaşayıram. Bu mənim yaşadığım üçüncü evimdir.

Mən pulunu üst-üstə yığan insanları başa düşmürəm. Mənim dostlarım arasında da belələri var. Bir-ikisini maarifləndirib artıq yola gətirmişəm. Allah sənə o imkanı veribsə, sənin o pulu üst-üstə yığıb, gedib balaca daxmada yaşamağın nə mənası var".