Rəşad Əliyev:“Biz Fəxr Edirik ki, Respublikamız, Bayrağımız, Geribimiz, Himnimiz Və Heydər Əliyevimiz Var!”

Heydər Əliyevin 100 illiyi ilə bağlı bircə onu deyə bilərəm ki, zaman yaraları sağaldır, həm də zaman keçdikcə böyük şəxsiyyətlərin böyük xidmətləri daha aydın görünür. Hər kəsin dəyəri də onun yaşadığı bu zaman kəsiyində göstərdiyi xidmətləri, əməlləri ilə ölçülür. Bu mənada Müstəqil Azərbaycan dövlətini quran, möhkəmləndirən Ümummilli Liderimiz Heydər Əliyev barəsində belə demək mümkündür.

Bəşəriyyət tarixində elə şəxsiyyətlər var ki, onları ətraflı təqdim etməyə, həmin görkəmli simalar barədə uzun-uzadı danışmağa ehtiyac qalmır.

Təbii ki, yer üzündəki milyardlarla insan arasında çox nadir şəxsiyyətlər parlayır, məhşurlaşır, tanınır, xalq tərəfindən sevilir və tarix yarada bilir. Azərbaycanın Ümummilli Lideri, mərhum Prezident Heydər Əliyev məhz belə şəxsiyyətlərdən idi.

Heydər Əliyevin həyat yolu və fəaliyyəti Azərbaycan dövlətinə, xalqımıza Ulu Tanrının bəxş etdiyi çox böyük töhfələrdən biridir.

Bəli, Heydər Əliyevin adı tarixə digər böyük xidmətləri ilə yanaşı, ilk növbədə müstəqil Azərbaycanın qurucusu kimi daxil olmuşdur.

Əminliklə demək olar ki, Heydər Əliyev həyatının ən çətin anlarında belə xalqının ağrı-acısı ilə yaşadığını sübut etmişdir. Böyük Öndərimiz Heydər Əliyev böyük arzularla, ümidlərlə yaşayırdı. Torpaqlarımızın işğaldan azad edilməsi onun qarşıya qoyduğu ən mühüm vəzifələrdən idi.

Hər bir vətənpərvər azərbaycanlı bilir ki, əziz Prezidentimiz Heydər Əliyev son nəfəsinə kimi öz xalqına böyük fədakarlıqla xidmət etmişdir.

Hamımız üçün doğma və əziz olan Heydər Əliyev dünya şöhrətli siyasətçi, zəmanəsinin ən böyük şəxsiyyəti idi. Heydər Əliyev ümumxalq məhəbbətini təkcə öz vətənində deyil, bütün dünyada qazanmışdı.

İnsanların əksəriyyəti həyatdan köçərkən onların vəfatı ailələri, qohum-tanışları tərəfindən kədərlə qarşılanır.

Şah əsəri Azərbaycan olan Heydər Əliyevin ölümü ilə dünya bir qədər balacalaşdı.

Heydər Əliyev təkcə Azərbaycanın dövlət başçısı deyil, həm də bütün dünya azərbaycanlılarının rəhbəri idi.

Ümummilli Lider, Azərbaycan Respublikasının keçmiş Prezidenti Heydər Əliyev bizə müstəqil Azərbaycanı yaratdı verdi.Onun gələcəyini müəyyənləşdirdi.

Bu gün bizim respublikamız, bayrağımız, geribimiz, himnimiz və Heydər Əliyevimiz var.

Bəli, bu gün Azərbaycanda dövlətçiliyimiz kifayət qədər möhkəmdir. Biz demokratik ölkədə yaşayırıq. Azərbaycanı dünya tanıyır. Buna görə biz Böyük şəxsiyyətə minnətdarıq.

Heydər Əliyev Azərbaycanla, azərbaycanlı olmağı ilə həmişə fəxr edirdi: “Mən xoşbəxtəm ki, azərbaycanlıyam”. Onun qəlbi, ürəyi xalqımızın xoşbəxtliyi və gələcəyi üçün döyünürdü.

Heydər Əliyevin hakimiyyətdə olduğu illər ərzində qazanılan uğurları saymaqla qurtaran deyil. Heydər Əliyev Azərbaycan dövlətçiliyi tarixində əvəzsiz xidmətlər göstərmişdir.

Əminəm ki, xalqımız heç vaxt Heydər Əliyevin misilsiz xidmətlərini unutmayacaq.

Ulu Öndər Heydər Əliyevin mənalı həyatı dövlətçilik tarixidir. İlham Əliyevin mənalı həyatı isə Ulu Öndərimiz Heydər Əliyevin çoxmənalı həyatının davamıdır.

Bəli, Möhtərəm Heydər Əliyevin siyasi kursunun layiqli davamçısı, Ölkə Prezidenti cənab İlham Əliyevə bizim dərin hörmətimiz var, onun siyasi karyerasını diqqətlə izləyirik və Azərbaycan Prezidentini dəstəkləyirik.

Bu gün biz azad, demokratik bir ölkənin vətəndaşıyıq. Biz Azərbaycanın dövlət müstəqilliyi ilə fəxr edirik.

Bütün bunlara görə, möhtərəm Heydər Əliyevə borcluyuq. Bizim borcumuz onun qoyub getdiyi vətənə sadiq qalmaq, şah əsəri olan müstəqil Azərbaycanı qoruyub, yaşatmaqdır!

Yevlax Rayon İcra və Probasiya Şöbəsinin Rəisi Rəşad Əliyev: