Azərbaycan və İspaniya: qələbədən sonra yeni mərhələ

Barselona Vəkillər Kollegiyasının üzvü Fransisko Xavyer Medina Ortiz “Republıc Underground” portalına verdiyi müsahibədə Azərbaycanın İspaniyadakı təmsilçiliyi, erməni təxribatları və s. barədə danışıb.

O qeyd edib ki, Azərbaycan səfirliyinə ölkənin diplomatik təmsilçiliyi etibar edilib: “Bəzi hallarda onun işi Azərbaycanı İspaniya cəmiyyətində bir ölkə kimi təmsil etmək olsa da, ciddi desək, bu onun funksiyası deyil. Bundan əlavə, səfirlik Madriddə yerləşir, buradan isə Kataloniya reallığını bilmək çətindir. Onları günahlandırmaq olmaz. Bunlar hətta Madriddə yaşayan və Kataloniyada nələrin baş verdiyini bilməyən ispanların da başına gəlir. Əminəm ki, belə problem Azərbaycanın regionları arasında da olmalıdır. Bütün ölkələrdə belə olur.

Azərbaycanın Diasporla İş üzrə Komitəsini də günahlandırmaq olmaz. Onun rolu çox güman ki, fəaliyyət göstərdiyi hər bir ölkədə cəmiyyətə təsir göstərmək deyil, ölkədən kənarda yaşayan azərbaycanlıları birləşdirməkdir.

Bəs digər ölkələr bunu necə edir? İlk növbədə Fəxri konsul vasitəsilə, əlaqələri və yerli siyasət bilikləri avtoxton cəmiyyətə inteqrasiya olunmuş ölkə sakiniləri ilə edilir.

Barselona dünyanın ən çox fəxri konsullar olan üçüncü şəhəridir. Bunun yəqin ki, səbəbləri var, düzdür? Azərbaycan kimi böyük bir ölkənin təmsilçisi isə yoxdur və heç vaxt olmayıb. Bunu anlamaq mənim üçün çətindir. Üstəlik, Dağlıq Qarabağda döyüş əməliyyatları başlayanda Azərbaycanın lehinə heç bir ispanın səsi çıxmadı, mən bunu təəssüf doğuran vəziyyət hesab etdim”.

“Burada yaşayan azərbaycanlılara gəldikdə, bu yenə də bir tənqid deyil, həqiqətin ifadəsidir: onlar çox gəncdirlər, burada çox az vaxtdır yaşayırlar, siyasətimizdən xəbərdar deyillər və çətin ki, cəmiyyətimizlə əlaqələri var ... Əksinə, burada təşkilatlanmış, cəmiyyətlə, fəal jurnalistlərlə əlaqəli çox sayda erməni var...

Necə mübarizə aparmaq olar? Daha əvvəl də qeyd etdiyim kimi, düşünürəm ki, Kataloniyada və İspaniyada daha bir neçə Fəxri Konsulun olması gərəkdir. Cəmiyyətə inteqrasiya olunmuş, əlaqələri olan, kimlə danışacağını bilən insanlar gərəkdir.

Ancaq bu işi yaxşı yerinə yetirmək üçün diqqətli olun, sizə səlahiyyətlər verən bir vəzifəyə sahib olmalısınız. Hər şey çox sadədir. Gəlin əksini təsəvvür edək. Bakıda bir azərbaycanlının İspaniya lehinə dəstək istəməyə getdiyini təsəvvürə gətirin. Azərbaycan rəhbərliyinin bu vəziyyətdə doğru olan ilk şey soruşulmalıdır: “Siz kimin adından danışırsınız? İspaniya adından danışmaq üçün mövqeyiniz nədir?”

Təəssüf ki, bu mənim başıma dəfələrlə gəlir. Düşünürəm ki, əsaslı mövqe olmadan daha çox şey etmək çətindir. Ancaq konsulun effektiv lobbi fəaliyyəti göstərə biləcəyinə inanıram. Haradan bilirəm? Çünki bir vəkil olaraq Kataloniyada müxtəlif ölkələrin bir neçə baş konsulluğuna tövsiyələr verirəm. Yəni mənə etibar edirlər", - deyə Fransisko Xavyer Medina Ortiz bildirib.

Sənəm Əliyeva
Respublikaxəbər.az