Putin Paşinyanla məzələndi

"Ermənistan prezidenti" bu yaxınlarda Pekində çinli həmkarı ilə çalışıb

Qazaxıstanın paytaxtı Nur-Sultanda baş tutan Avrasiya İqtisadi Birliyinin (AİB) növbəti sammitində maraqlı hadisə baş verib.

Rusiya prezidenti Vladimir Putin Ermənistanın baş naziri Nikol Paşinyanla məzələnib və onu "prezident" adlandırıb.

"Ermənistan prezidenti" bu yaxınlarda Pekində çinli həmkarı ilə çalışıb. Şübhəsiz ki, bizim Birliyin strateji tərəfdaşı Çindir". Putin belə deyib.

Sammitdə Nursultan Nazarbayev AİB-in fəxri sədri təyin edilib.

Putin onun bu təyinatı ilə bağlı da zarafatından qalmayıb:

"Nazarbayev indi işsiz pensiyaçıdır. Bu işi (Avrasiya İqtisadi Birliyi nəzərdə tutulur) o başlayıb, qoy indi də məşğul olsun".

AzNews.az-a istinadən Respublikaxeber.az qeyd edir ki, əslində Putinin ironiyalı zarafatı heç də havadan deyilməyib, çünki bilir ki, Paşinyan Çində keçirdiyi görüşlərdə nəticə əldə etməyərək İrəvana əliboş geri qayıdıb. Onun bu "səfəri" Azərbaycan Prezidenti İlham Əliyevin Çində keçirilən "Bir kəmər, bir yol" ikinci Beynəlxalq Əməkdaşlıq Forumunda iştirakından sonra daldan atılan daşa bənzəyir. Hətta, Putinin "prezident" adlandırdığı bu baş naziri Ermənistan mediası və siyasətçilər bərk tənqid edərək dövlət pullarını havaya uçurmaqda günahlandırıb.