İranda saxta ittihamlarla mühakimə olunan Azərbaycan vətəndaşı 2,5 ildən sonra azad edildi

İranda saxta ittihamlarla mühakimə olunan Azərbaycan vətəndaşı 2,5 ildən sonra azad edildi
Azərbaycan vətəndaşı, İranda qondarma ittihamla həbs olunan, 31 yaşlı Validə Yusifova sərbəst buraxılaraq Dövlət Sərhəd Xidmətinə təhvil verilib.
Qeyd edək ki, V.Yusifova 2 il 6 aya yaxın idi İranda həbsdə idi.
O, Tehranda bədnam "Evin" həbsxanasının qadınlar bölməsində saxlanılırdı. Xanım Yusifova Tehran İnqilab Məhkəməsinin 15-ci şöbəsinin mudiri, edam hökmlərinin çıxarılması ilə məşhur olan qəddar hakim Əbülqasim Sələvati tərəfindən saxta “casusluq” və qondarma “narkotik ticarəti” ittihamı ilə mühakimə olunmuşdu.
Xatırladaq ki, azərbaycanlı Fərid Səfərli də saxta casusluqda ittiham olunaraq İranda saxlanılır.