Rusiyalılara infeksiyalı xəstəliklərə yoluxma riskləri barədə xəbərdarlıq edilib

Rusiya Federasiyası Təhlükəsizlik Şurasının katibi Nikolay Patruşev ABŞ-ın Rusiya sərhədləri yaxınlığında hərbi bioloji fəaliyyəti fonunda əhalinin müxtəlif növ yoluxucu xəstəliklərə yoluxma riskinin yüksək olacağı barədə xəbərdarlıq edib.

RESPUBLIKAXƏBƏR.AZ, APA-nın Rusiya bürosunun verdiyi xəbərə istinadən xəbər verir ki, bu barədə Patruşev Krasnodarda Cənub Federal Dairəsinin milli təhlükəsizliyin təmin edilməsinə dair müşavirdə bildirib.

“ABŞ-ın Rusiya sərhədləri yaxınlığında hərbi bioloji fəaliyyəti, o cümlədən yoluxucu xəstəliklərin patogenlərinin süni ocaqlarının yaradılması fonunda əhalinin təbii ocaqlı infeksiyalarla, o cümlədən müxtəlif yoluxucu xəstəliklərə yoluxma riskləri yüksəkdir”, - deyə RF Təhlükəsizlik Şurasının katibi vurğulayıb.



RESPUBLIKAXƏBƏR.AZ