Şuşadakı mərkəzin tikintisinə proqnozdan artıq xərclənib

“Sual olunur ki, Şuşa Otel-Konqres Mərkəzinin tikinti və digər xərclərini öncədən proqnozlaşdırmaq olmurdu? Əlbəttə proqnozlaşdırılmışdı”.

“RESPUBLİKAXƏBƏR.AZ” xəbər verir ki, bu fikirləri Milli Məclisin İqtisadi siyasət, sənaye və sahibkarlıq komitəsinin iclasında iqtisadiyyat nazirinin müavini Elnur Əliyev bildirib.

“Mərkəz bir il ərzində tikilib və son ana qədər orada rəhbərliyin göstərişi ilə əlavə dəyişikliklər olub. Əlavə, gözlənilməz xərclər çıxdı. Bu şeylər proqnozlaşdırıla bilmir. Mərkəzin idarə olunması nazirliyin balansında olacaq. Saxlanma xərclərinin isə kənar idarəediciyə, yəni ixtisaslaşmış şirkətə verilməsi nəzərdə tutulur”, - deyə nazir müavini əlavə edib.

RESPUBLİKAXƏBƏR.AZ