Göyçayda əhalinin vaksinləşmə prosesinə başlanılacaq - FOTO

Prezident və Birinci vitse-prezidentin təşəbbüsü ilə Azərbaycan ilk peyvənd əldə edən ölkələrdən biri olacaq. Bu gün Göyçay rayon icra hakimiyyətinin idelogiji mərkəzində RİH-in başçısı Mehdi Səlimzadənin rəhbərliyi ilə əhalinin vaksinləşmə prosesinə başlanması ilə bağl iclas keçirilib.

Bu barədə Respublikaxəbər.az-a bildirilən məlumatda bildirilib ki, Rayon ərazisində əhalinin vaksinləşmə prosesinə mütəşəkkil qaydada cəlb edilməsi məqsədilə yerli icra hakimiyyətləri tərəfindən hər bir inzibati ərazi dairəsi üzrə ilk növbədə peyvənd olunacaq 65 yaşdan yuxarı və 50 yaşdan 65 yaşınadək olan sakinlərin ayrılıqda siyahılarının hazırlanması 7 yanvar 2021 ci il tarixinədək təmin edilməsi barədə tapşırıq verildi. Qeyd olunub ki, sərtləşdirilmiş xüsusi karantin rejiminin tələblərinə və sanitar epidemioloji normalara qeyri-şərtsiz olaraq tam əməl olunmasının vacibliyini bildirib.

Səhiyyə müəssisələrində vaksinləmə prosedurlarının müəyyən olunmuş normalara uyğun həyata keçirilməsi və müvafiq protokolların tərtib edilməsi ilə bağlı tapşırıqlar verilib. İclasda bayram günlərində rayon ərazisində sərtləşdirilmiş xüsusi karantin rejiminin tətbiqi ilə əlaqədar görülən işlər barədə məlumat verilib, müvafiq nəzarət tədbirlərinin gücləndirilməsi ilə bağlı məsələlər geniş müzakirə olunub. Sərtləşdirilmiş karantin rejiminin tələblərinin icrasına nəzarətin gücləndirilməsi ilə bağlı aidiyyəti qurumlara müvafiq tapşırıq verilib.