“Tibb təhsili olmayanlar masajçı işləyə bilməyəcək”

“Reabilitasiya sahəsində qeyri-tibb işçilərinin işləməsi absurddur”.

Respublikaxeber.az Qafqazinfo-ya istinadən xəbər verir ki, bu sözləri Elmi-Tədqiqat Tibbi Bərpa İnstitutunun direktoru Pərvin Əkbərov bildirib.

O qeyd edib ki, bərpa mərkəzlərində çalışan şəxslərin, masajçıların hamısı mütəxəssis olmalıdır: “Bu sahədə insanlar kortəbii şəkildə, həmin sahənin peşəkarı olmadan fəaliyyət göstərirlər. Biz artıq bunun fəsadlarını görürük. Azərbaycan Fizioterapiya və Reabilitasiya Assosiasiyasının yaradılması üçün ilk addımlar atılıb. Bundan sonra işin kontrolu asan olacaq. Kimin tibbi savadı yoxdur, bu işlə məşğuldur, onlarla bağlı hüquqi tədbirlər görüləcək”.