Koronavirus bu xəstələrdə qanaxmaya səbəb ola bilər

“Artıq dünyasını dəyişmiş COVID xəstələrinin otopsiyası zamanı məlum olub ki, xəstələrin 32%-də kəskin böyrək çatışmazlığı var”

Respublikaxeber.az Ölkə.az-a istinadən xəbər verir ki, bu sözləri Səhiyyə Nazirliyinin mütəxəssisi, Azərbaycan Tibb Universitetinin Urologiya kafedrasının doktorantı Araz İbrahimov deyib. O bildirib ki, 3-10 % xəstələrdə isə ani olaraq kəskin böyrək çatışmazlığı inkişaf edir:

“Bunlar hospitalizasiya şəraitində olan xəstələr ola bilər, ev şəraitində müalicə alan xəstələr ola bilər. Burada COVID-in böyrəyə vuracağı ən ciddi zərər kəskin böyrək çatışmazlığıdır. Yəni böyrək öz funksiyasını yerinə yetirə bilmir.

Digər tərəfdən COVID böyrəklərdə qanaxmaya səbəb ola bilər. Çünki koronavirusun müalicəsində ciddi qanduruduculardan istifadə edirik. Bəzi şəxslər uroloji və ya onkoloji xəstə olmalarından xəbərsiz olurlar. Bu qandurulducuların təsirindən həmin xəstələrdə qanaxma riski yüksək olur”.