Medvedev Azərbaycan və erməni diasporlarını məsuliyyətli olmağa çağırıb

Rusiyanın sabiq Prezidenti və Baş Naziri, Təhlükəsizlik Şurası sədrinin müavini Dmitri Medvedev Azərbaycan və erməni diasporlarını məsuliyyətli olmağa çağırıb.

Respublikaxəbər.az-ın Moskva müxbirinin verdiyi məlumata görə, "PolitStartap" layihəsinin iştirakçıları ilə görüşdə D. Medvedev Rusiyada Ermənistan və Azərbaycandan gələnlərin qarşıdurması ilə bağlı diasporlara məsuliyyətli olmaq barədə xəbərdarlıq edib.

“Bütün bunlar, yəni Dağlıq Qarabağ münaqişəsi xarici problemdən daxili problemə çevriləndə, bu diasporlar da öz məsuliyyətlərini hiss etməlidirlər", - deyə D. Medvedev vurğulayıb.



Sənəm Əliyeva