Rayonlarda bayraqların endirilməsi ilə bağlı ilk açıqlama Göyçaydan gəldi

Bir neçə gündür ki, rayonların mərkəzi meydanlarında bayraqların endirilməsi ilə bağlı müzakirələr davam edir. Məsələyə ilk açıqlama Göycay rayon icra hakimiyyətindən gəldi.
Respublikaxəbər.az-ın sorğusunu cavablandıran Göyçay şəhər icra nümayəndəsi Rəşad Şükürov bildirib ki, bu aylar rayon ərazisində güclü küləyin baş verməsi səbəbindən bayraq endirilib.
” Artıq neçə illərdir ki, hər il 9 noyabr Bayraq günü yeni bayraq qaldırılır. Yaz aylarında havanın küləkli olması ilə əlaqədar bayraq endirilib. Bayraq dirəyinin hündürlüyü 74, bayrağın uzunluğu isə 18 metrdir. Hava küləkli olduğu zaman dirək bayrağın ağırlığına tab gətirməyərək yellənməyə başlayır. Bu isə hər an faciəyə səbəb ola bilər. Yeni bayraq bir də 9 may tarixində ucaldılacaq. Belə bir məsələdən provakasiya yönümlü istifadə məqsədəuyğun deyil.”


Respublikaxəbər.az 0518310101